ARGIA.eus

2020ko ekainaren 03a

Atxondoko Udalak AHTri "alfonbra gorria" jartzen diola salatu dute ekintza bidez

  • Buzo zuriak jarrita AHTren kontrako ekintzaileek Atxondoko Udalaren jarrera salatu dute otsailaren 28an, azpiegitura horrek herrian sortuko duen "txikizioa" irudikatuz.

ARGIA @argia
2020ko martxoaren 05a

Atxondoko AHTren kontrako plataformako kideek ekintza ikusgarria egin dute asteburuan, buzo zuriak jantzita, Udala sinbolikoki zigilatu eta Adif sozietateak erabiliko duen maisu-maestren etxea tapiatu dute: "Herriarentzat ez bada, herria txikitzeko asmoz datozenentzat ez dadila izan", azaldu dute.

Atxondoko alkatearen eta bere udal taldearen (EAJ) jarrera salatu dute, AHTren inguruko kudeaketa "isilpean" eramateagatik eta "alfonbra gorria" jarri diotelako azpiegiturari. Ekintzaileek gogorarazi dute Atxondo erreferentzia izan dela urte luzez AHTren kontrako borrokan eta "kontrakoa sinestarazi nahi badigute ere oraindik tren hau gelditzeko garaiz" gaudela.

Interes ekonomikoak ikusten dituzte halako azpiegituren atzean, ingurumena eta osasunaren aurretik: "Ez al da nahikoa Zaldibarren gertatu denarekin? Luiziak agerian utzi du ustelkeria guztia eta buruzagiek ez dute aurpegirik ematen". Hala, ohartarazi dute "buzo zuriak" janzten jarraituko dutela beren herriaren "txikizioa" eragozteko.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Abiadura Handiko Trena  |  Bizkaia

Abiadura Handiko Trena kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude