44 urteko zigorra Iurgi Garitagoitiari Uriaren aurkako atentatuagatik
Uriaren senideei kalte ordainak ordaintzera ere kondenatu du presoa Espainiako Auzitegi Nazionalak. Ugaitz Errazkin presoa absolbitu egin dute epai berean.
Astelehenean aurreratu du epaia Auzitegi Nazionalak. Francisco Javier Vieira Morante epailea buru duen epaimahaiak frogatutzat jo du Garitagoitiak Iñaxio Uria enpresariaren aurkako atentatuan parte hartu zuela, eta 44 urteko espetxe zigorra ezarri dio –25 urte hilketagatik, 12 legez kanpoko atxiloketagatik, 4 urte eta erdi ibilgailu motorduna lapurtzeagatik eta beste 2 urte eta erdi kalteak eragiteagatik–.
Uriaren senideei kalte ordainak ordaintzera ere zigortu du tribunalak Garitagoitia: 160.00 euro Uriaren alargunari; 40.000 eta 80.000 euro artean seme-alaba bakoitzari. 2020ko ekainean Auzitegi Nazionalak 389 urteko espetxe zigorra ezarri zion Garitagoitiari beste ekintza batengatik. Uriaren aurkako atentatuan parte hartzeagatik lehenago Manex Castro, Joanes Larretxea eta Beñat Aginagalde presoak izan dira zigortuak.
Errazkin absolbituta
Ugaitz Errazkin absolbitu egin du epaimahaiak , aldiz. Epaiak frogatutzat ematen du Errazkin ETAren “kolaboratzailea” zela, baina Uriaren hilketan parte hartu zuela ziurtatzeko froga nahikorik ez dagoela ebatzi du.
Epaile Santiago Pedrazek iragan ostiralean eskatu zuen estatuan Telegram aplikazioa blokeatzea. Astelehenean blokeo hau etetea erabaki du epaile berak, lehenik neurri hori aplikatzeak ekarriko lituzkeen ondorioak aztertzeko.
Espainiako Poliziak joan den asteartean atxilotu zuen Iturmendin (Nafarroa) eta, Espainiako Auzitegi Nazionalaren aginduz, Madrilera eraman zuten inkomunikatua.
2003ko maiatzean Zangozan Espainiako bi poliziaren hilketa ikertzen zuen auzia ixtea erabaki du Espainiako Auzitegi Nazionaleko Francisco de Jorge epaileak, ikerketa agortutzat eman ondoren.