38 urte beteko dira Guardia Zibilak Mikel Zabalza torturapean hil zuela
1985eko azaroaren 25eko gauerdian atxilotu zuten Donostian Mikel Zabalza orbaizetarra. Altzako (Donostia) Mikel Zabalza Gogoan herri ekimeneko kideek egia, justizia eta erreparazioa eskatuko dute igande honetan Orbaizetako Olan egingo duten memoria ekitaldian.
Mikel Zabalza Gogoan herri ekimeneko kideek ekitaldia egingo dute aurten ere Zabalza orbaiztarraren omenez. 38 urte beteko dira Guardia Zibilak torturapean hil zuela eta egia, justizia eta erreparazioa eskatuko dituzte beste behin ere. Igandean, azaroan 26an, Orbaizetako Olan, 12:00etan.
38 urte pasa dira Mikel Zabalza Orbaiztarra Guardia Zibilak atxilotu eta hogei egunen buruan Bidasoa ibaian hilik agertu zenetik. Zabalzaren senideek salatu dute “hil arte” torturatu zutela. Hala ere, Espainiako Estatuak oraindik ez ditu biktima gisa aitortu.
Urteurrenarekin bat eginez, Lera antropologia taldeak egin duen Mikel Zabalza. Registros de memoria liburuaren aurkezpena egingo da ostiralean, azaroak 24, 19:00etan Aurizberriko liburutegian.
.jpg)
1985eko azaroaren 25eko gauerdian atxilotu zuten Donostian Mikel Zabalza orbaizetarra, eta 38 urte igaro dira Poliziak Intxaurrondoko kuartelean torturapean hil zuela. Igande honetan gogoratu dute Orbaizetako Olan egindako memoria ekitaldian.
Biktimen aitortza, laguntza psikosoziala eta torturaren osteko erresilientziaz arituko dira Planetarioan nazioarteko adituekin.
Datorren igandean, urriaren 15ean, beteko dira 40 urte GALek Joxean Lasa eta Joxi Zabala Baionan bahitu zituela. Guardia zibilek torturatu eta hil ondoren, oraindik ez dituzte terrorismoaren biktimatzat hartu.
Auzitegi Nazionalak Marlaska ministroa derrigortu du guardia zibila mailaz igotzera. Kargugabetu egin zuen 2018an, "konfiantza falta" zela eta. Sánchez Corbík errekurtsoa jarri zuen erabakiaren aurka, eta Auzitegi Nazionalak babestu egin du. Kepa... [+]