Tolosaldean, Oarsoaldean, Larrabetzun, Hernanin eta Astigarragan antolatuko ditu galdeketak Gure Esku Dagok igandean. Mugimenduak adierazi du “herritarrei dagokiela hitz egitea”.
Hilabetetako lanaren ostean heldu dira galdeketa antolatzera. Herritarren ahalduntzea, borondatea eta konpromisoa beren tresna garrantzitsuenak direla azpimarratu dute. Hain zuzen, igandean 2.000 boluntario inguru ariko dira lanean galdeketak antolatzeko.
“Gure botoarekin, edozein dela ere, herritarron, herritar denon aldeko urrats handi bat egiteko aukera izango dugu igandean”, parte hartzera dei egin du mugimenduak.
2014an Etxarri-Aranatz eta Arrankudiaga-Zollo izan ziren aitzindariak galdeketak egiten. Joan den urtean beste 36 herrik eduki zuten galdeketa egiteko aukera, eta uda iristen denerako milioi erdi izango dira beren iritzia emateko aukera eduki duten euskal herritarrak.
Gure Esku Dagok zabaldu duen oharrean, argi adierazi du beren helburua galdeketa Euskal Herri osora zabaltzea dela: “Martxoaren 19an gure herrietan posible izango dena, etorkizunean Euskal Herrian posible izatea”.
Datozen bi urteetako erronken berri eman du erabakitze eskubidearen aldeko ekimenak larunbatean Bilboko Kafe Antzokian. “Herri libre bat nahi dugu, mugimendua sortu nahi dugu, herria martxan jarri eta elkarlana bultzatu nahi dugu”, adierazi dute.
"Nafarroa defendatu" manifestua kaleratu eta sinatu duten 120 alkateek egindako deialdiari erantzunez, Iruñeko Sarasate Pasealekuan elkarretaratzea izan da larunbat arratsaldean. Auzitegi Gorenak Trafikoaren eskumena Nafarroari transferitzea baliogabetzea... [+]
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Urkullu lehendakariak konbentzio konstituzionalaren proposamena egin du Espainiako Estatuan autogobernuaren eztabaidan sakontzeko eta estatu plurinazionalaren egiazko aitortza egin dadin.