ARGIA.eus

2020ko uztailaren 11

25,5 milioi euroko kostua du Bilbok Iberdrolarekin adostutako hitzarmenak

  • 2005ean Bilboko Udalak eta Iberdrolak hitzarmena adostu zuten, konpainia elektrikoaren egoitza Abandoibarrara lekualdatzeko. Bilduk galdetuta, Udalak jakinarazi du 25,5 milioi euroko kostua izan zuela.

Martin Vicioso @martinvicioso
2013ko maiatzaren 13a
Abandoibarrako dorrea (Argazkia: derribosjonsantamaria.es)

Lurraren birkalifikatzearen truke eraiki zuen Iberdrolak Abandoibarrako dorrea, Bilboko alkate eta Bilbao Ria 2000 elkarte industrialeko presidente Iñaki Azkunak Iberdrolarekin sinatutako akordioaren arabera.

Lurra Bilbao Ria 2000ri erosi zion Udalak, 20,74 milioi euroren truke. Kontsumo-Prezioen Indizea (KPI) 2005etik gaur arte %23 igo denez, zorra 25,5 milioikoa da. Udalak, eta ez Iberdrolak, erosteagatik lurra merkeago erosi ahal izan zuten.

Bilboko Udalak guztira 84,5 miloi euroko zorra du. Hirigintza delegatuak esan duenez, aurre egin dakioke eraikuntza baimenak salduz eta ordainketak epe luzeagotan ordainduz. Gainera, Deustuko kanalaren irekierak beste 30 milioiko gastua izango du.

Bilduk salatu du Azkunak Iberdrolari mesede egin diola. Aitziber Ibaibarriaga zinegotziaren arabera, zorrak gora egin du, eta hainbestetan goraipatu den "zero defizita" lortzetik urrun daudela azaldu du. Halaber, 20 miloi euroko zuloa utzi duen birkalifikatzea egitearen arrazoiaz galdetu dio alkateari.

Kanpo kontu-ikuskaritza egiteko eskatu du koalizioak, antzeko hitzarmenik egin den ikusteko.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Bilbo  |  Azpiegitura handiak  |  EAJ

Bilbo kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude