25. urteurrenean, Jaizkibel Konpainia alardeko konpainia bat gehiago izateko eskaeran berretsi da
Koronabirusagatik desfilerik gauzatu ez den arren, Jaizkibel Konpainiak kaleak hartu ditu. Elkarretaratzea egin dute alarde parekidea aldarrikatzeko, eta uztailean egindako proposamena berriz plazaratu dute: datorren urtean alardeko konpainia bat gehiago izatea.
25 urte bete dira Hondarribian alarde parekidearen alde emakumeak protesta egin zuten lehenbiziko alditik. 1996an, 26 emakume alardean sartu ziren, eta irainka eta kolpeka hartu zituzten. Ordutik auziak bere horretan dirau, eta herriko festetan banaturik egiten dituzte desfileak: Alarde baztertzailea alde batetik, eta Jaizkibel Konpainia bestetik. Azken honek, gaur gaurkoz ere jasaten ditu beste aldekoen irain eta errefus keinuak, baina ez dute horregatik alde batera utzi orain mende laurden abiatutako borroka.
Aurten ere atera da kalera Jaizkibel Konapinia, koronabirusagatik desfilerik egin ez bada ere. Horren ordez, alarde parekidearen aldeko elkarretaratzea egin dute Martxoak 8 plazan. Bertatik jarraipena egin du Maddi Ane Txoperena Berriako kazetariak, eta Twitter bidez zabaldu du Jaizkibel Konpainiakoen mezua bertatik: alardea parekide izateko beste 25 urte ez direla pasako aldarri egiteaz gain, uztailean egindako proposamena airatu dute berriz, alardeko konpainia bat gehiago izatea, alegia. "Alardeko beste konpainia bat gehiago izateko eskaera egiten dugu, eta hori da datorren ikasturterako eskatzen duguna", adierazi du Jaizkibeleko kapitaina de Oihana Etxeberriak Hamaika Telebistari eskainitako elkarrizketan.
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.