ARGIA.eus

2021eko apirilaren 21a

22.517 langabe gehiago utzi ditu 2020ak Hego Euskal Herrian

  • Guztira 169.877 lagun dira langabezian daudenak Hego Euskal Herrian, 2020a bukatzearekin batera. Horietatik 22.517 pertsonek pandemiaren urtean galdu dute enplegua. Iaz egin ziren kontratuen %92,2 aldi baterakoak izan direla nabarmendu dute sindikatuek.

ARGIA @argia
2021eko urtarrilaren 05a

Herrialdeka, Arabak 21.727 langaberekin bukatu du urtea, Bizkaiak 73.080 langaberekin, Gipuzkoak 34.433rekin eta Nafarroak 40.637rekin.

ELA sindikatuak salatu du 2020an langabeziara joan den bost lagunetik bat 25 urtetik beherakoa dela, eta beraz gazteak izan direla kaltetuenak, baita emakumeak ere. Zerbitzu sektorean izan du bereziki eragina langabeziak. “Aurretik agerikoa zen krisi ekonomiko eta soziala areagotu egin du pandemiak”, salatu du ELAk.

Kontratuen kalitatea ere azpimarratu nahi izan du sindikatuak: 2020an aurreko urtean baino %28,3 kontratu gutxiago sinatu dira, eta gehien-gehienak, %92,2, aldi baterako kontratuak izan dira.

Ildo berean, LABek dio urte bukaerak utzi duen kopurua dirudiena baino ilunagoa dela, eta kritikatu du enpresarioek gazteak eta kolektibo zaurgarrienak erabiltzen dituztela “lan prekario eta gaizki ordainduetarako erreserbako armada gisa”. Garai zailenetan, beraiek dira kaltetuenak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Langabezia  |  ELA  |  LAB  |  Hego Euskal Herria

Langabezia kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude