Egunero 12.500.000.000 ordu zaintza lan egiten dituzte kobratu gabe mundu osoko emakumeek
Kapitalismoa bere gordinean. Aberastasunaren banaketa oso desorekatuta dago eta batez ere milioika emakumeek kobratu gabe egiten duten lanean oinarritzen da ekonomia globala. Ondorio hori atera daiteke Oxfamek, Davoseko bilkuraren aurretik atera ohi duen aurtengo txostena irakurrita. Jarraian bertatik ateratako hainbat datu.
- Munduko 22 gizon aberatsenek Afrika osoko emakume guztiek batera baino gehiago daukate.
- Egunero 12.500.000.000 ordu zaintza lan egiten dituzte kobratu gabe mundu osoko emakumeek eta neska gazteek.
- Lan horrek munduko ekonomiari egiten dion ekarpena eguneko 10.8 bilioi dolarrekoa da, teknologia industria globalaren tamaina baina hiru aldiz handiagoa.
- Munduko %1 aberatsenak %0,5 zerga gehiago ordaintzea lortuko balitz, hezkuntza, osasuna edo haur eta zaharren zaintzaren sektoreetan hamar urtetarako 117 milioi lanpostu sortzeko behar den inbertsioa lortuko litzateke.
- 2019an, 2.153 super aberatsek 4.600.000.000 pertsonak baino aberastasun gehiago zeukaten.
- Munduko %1 aberatsenak herritarren %88,4ak batera baino aberastasun gehiago dauka.
- Ehunekoak zenbakitara ekarrita, 7.800.000 aberatsenek 6.900.000.000 pertsonak baino gehiago daukate.
- Nekazal komunitateetako eta diru sarrera baxuetako eremuetako emakumeek kobratzen ez duten 14 orduko lana egiten dute egunero, komunitate beretako gizonek baino bost aldiz gehiago.
- Munduan etxean lan egiten duten 67.000.000 langileetatik %80 emakumeak dira.
- Etxeko langileen %90ak ez du gizarte segurantza sistemara sarbiderik.
- Mundu mailan, gizonek emakumeek baino %50 aberastasun gehiago daukate.
- Gobernuetako ministroen %18 eta Parlamentuetako kideen %24 dira emakumeak. Honen ondorioz, emakumeak askotan erabakiak hartzeko guneetatik kanpo daude.
Hastings (Ingalaterra), 1066. Gilen I.a Normandiako dukearen gudarosteak Harold II.a erregearen tropak mendean hartu zituen, eta tronua eskuratu zuen. Gilen I.a Konkistatzailea 1087 urtera bitartean izan zen errege.
Normandiarren konkistaren ondorengo erregealdi horretan,... [+]
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]
Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.
Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]