2021ean Errotxapean atxilotutako bi pertsona epaituko dituzte
2021eko apirilean atxilotu zituzten hamar lagun, eta deklaratzera deitu zituzten beste bi: "talde kriminal bateko kide izatea" leporatu zieten. Gehienen kontrako akusazioak bertan behera geratu baziren ere, aurrera jarraitu dute bi pertsonaren kontrako prozedurek. Hiru urte eta erdiko kartzela-zigorrak eskatzen dituzte haientzat, protesta bati lotutako delituak egotzita.
Errepresioari klase elkartasuna aldarritzat hartuta, gaur eman dute argitara Errotxapeako Auzipetuak izeneko plataforma. Izan ere, auzipetuta jarraitzen dute Iruñerriko (Nafarroa) Errotxapea auzoko bi lagunek, 2021eko polizia-operazio batean atxilotuak izan ostean, aurrera egin baitute euren kontrako akusazioek eta prozedura judizialek. Gaur-gaurkoz, epaiketa noiz izango den zehazteko zain daude.
2021eko apirilean, Errotxapeko bederatzi gazte eta Burlatako bat atxilotu zituen Espainiako Poliziak, eta deklaratzera deitu zituzten beste bi, Iruñerrian 2020an eta 2021ean izandako hainbat liskarrekin eta ekintzarekin lotuta. Hiru egunez izan zituzten atxilo, eta euren etxeak nahiz material pertsonala miatu zituzten polizia-agenteek. Ordu luzez ukatu zieten euren gertukoekin zein konfiantzazko abokatuekin hitz egitea, eta oinarrizko baldintza ugari urratu zizkieten atxiloaldian.
Babes handia jaso zuten atxilotutako gazteek, eta mobilizazio jendetsuak izan ziren egun horietan. Gazte Koordinadora Sozialistari nahiz Indar Gorriri lotutako "kale borroka talde bateko kide izatea" leporatu zieten, baita "talde kriminal baten" parte izatea ere. Hala, Errotxapeako Auzipetuak plataformak ohartarazi duenez, "GKS, Indar Gorri eta euren ingurukoak jomugan jartzeko" baliatu zuten polizia-operazioa, "funtsik gabeko akusazioak lau haizetara zabalduta".
Akusazio gehienak bertan behera apirilean
Bi urteren ostean, iazko apirilean jakinarazi zuten bertan behera geratu zirela 2021ean atxilotutako gazte gehienen kontrako akusazioak, froga faltagatik. "Horrek, beste behin ere, Estatuaren eta indar polizialen inpunitatea agerian uzten du, frogarik izan gabe ere, dimentsio horretako atxiloketak eta atxiloaldiak inolako kosturik gabe egin ditzaketela erakutsiz", salatu du gaur aurkeztutako plataformak.
Bi lagunen kontrako prozedura, aurrera
Dena den, ez zituzten atxilotutako pertsona guztien kontrako prozedurak jo amaitutzat: aurrera egin dute bi lagunen kontrako akusazioek eta prozedurek. Horren harira aurkeztu dute orain Errotxapeako Auzipetuak plataforma, jakinarazi baitute epaitu egingo dituztela auzipetuta jarraitzen duten bi lagun horiek. Aipatutako plataformaren esanetan, "2021ean sortutako testuinguru errepresiboa eta mediatikoa ezerezean ez uztea" ahalbidetuko dute indarrean jarraitzen duten prozedurek.
"Protesta baten testuinguruan", desordena publikoak eta kalteak eragitea egozten diete bi auzipetuei, baita "derrigortze-delitu bat" ere. Hori dela-eta, hiru urte eta erdiko espetxe-zigorrak eskatzen dituzte haientzat, eta 26.000 euro inguruko kostu ekonomikoei egin beharko diete aurre. Oraindik ez dakite noiz izango den epaiketa.
"Beti egin izan duten bezala, prozesu honetan ere, Estatuaren eta alderdi eskuindarren zein ezkertiarren kontrolpetik kanpo gizarte injustu honi aurre egiteko borondatea da jazartzen eta epaitzen ari direna", salatu du plataformak: "Dagoenarekin konformatu ordez, militantzia eta protesta politikoa zilegitzat eta beharrezkotzat ikusten dugunon aurkako eraso gisa ulertzen dugu". Eta iritzi dio, hain zuzen ere, "militantzia eta protesta politikoa are beharrezkoagoak diren krisi garai honetan" ezin dela "errepresioaren aurrean atzerapausorik eman".
Elkartasuna martxan
Errotxapeako Auzipetuak plataformak dei egin du "klase elkartasuna praktikan jartzera eta jarduera politikoaren aurkako jazarpena eta errepresioa salatzeko indarrak batzera". Gainera, berehalako hitzordu baten berri eman du: auzipetutako pertsonekin elkartasunez, kontzertu bat antolatu dute datorren larunbaterako, hilaren 13rako. Iruñeko Aitzina tabernan izango da emanaldia, 21:00etan hasita: parte hartuko dute Against You eta Habemus Papam taldeek, besteak beste.
Uztailaren 5ean egin zituen sexu erasoak Iruñeko barraka gune batean. Leporatutako delituen larritasuna dela eta epaileak fidantza ordaintzeko aukera kendu dio.
Epailearen aurrean deklaratu du astelehen goizean Alonso enpresari gipuzkoarrak, Servinabar enpresaren jabeak, eta adierazi du Guardia Zibilak haren etxean aurkitutako agiriak ez duela balio, notarioarenera eraman ez zuelako. Accionako kontseilari Fernando Merinok ere deklaratu... [+]
Fiskaltzak Santos Cerdán PSOEko antolakuntza idazkari ohi nafarrari fidantzarik gabeko behin-behineko espetxeratzea eskatu dio astelehen goizean, eta ordu batzuetara, epaileak Cerdán espetxeratzea erabaki du. Cerdánek epailearen aurrean esan du legez kanpoko ezer... [+]
2024ko urtarrilean Arberoako Lurra eta Etxebizitza kolektiboak Hazparneko Puyo agentzia okupatu zuen. Ekainaren 20an elkarretaratzea egin zuten ekintzaileei babesa emateko.
Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicenteri 120 ongi etorri baino gehiago antolatzea eta terrorismoa goratzea leporatzen zien Espainiako Auzitegi Nazionalak. Auzipetuek, akusazio partikularrak eta... [+]
Donostiako Udalak jakinarazpena bidali dio Alde Zaharreko Gazte Asanbladari, epaiketaren data zehazteko. Asanbladak azaldu duenez, epaiketa aurreko hilabeteetan ezin dira desalojatuak izan, epaileak agindua eman arte.
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
Astearte honetan Baionan egitekoa zen zazpi herritarren aurkako epaiketa zortzi hilabetez atzeratu dute. Iazko Korrikan, Irun eta Hendaia arteko Santiago zubia zeharkatuz, 36 migratzaileri Ipar Euskal Herrian sartzen lagundu izana egotzi die Frantziako Justiziak. Defentsak... [+]
Joseba Alvarez eta Eñaut Alvarez aita-semeei bi urte eta erdiko, eta urte eta erdiko kartzela zigorrak eskatzen dizkiete 2023ko San Sebastian bezperan, Plaza Berrian, Etxera jartzen zuen pankarta bat zintzilikatzen saiatzeagatik. Bi urte geroago, urtarrilaren 29an... [+]
.jpg)
Aroztegiko auzipetuei elkartasuna adierazi eta absoluzioa eskatzeko mozio bat onartu du Baztango Batzar Nagusiak. Urtarrilaren 2an egindako bileran, mozioaren aldeko bozketan aldeko 25 bozka, kontrako bi eta hiru abstentzio izan dira.
Euskaraz bizitzeko, Euskararen Errepublika lelopean egin du manifestazioa larunbatean Euskal Herrian Euskarazek, Landako gunetik abiatuta. Euskal Errepublika aldarrikatzera, indarrak batzera eta euskararen aldarria lau haizetara zabaltzera deitu dute Durangoko kaleetan... [+]
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
2022ko urrian Iruñeko Sadar futbol zelaian jokatu zen Espainiako eta AEBetako emakumezkoen futbol selekzioen arteko partiduko zaleak iraintzea eta jazartzea leporatu zizkioten hainbat laguni. Epaiketa egin berri da eta akusatuak absolbitu ditu Iruñeko Zigor Arloko... [+]
Agorrilaren 27an igorri nizuen gutunean, irailaren 10eko auzian euskaraz deklaratzeko asmoa nuela adierazi nizuen. Auzi honen hastapenean, epaile nagusiari euskaraz zekienez galdegin nion. Gutxiespenarekin ezetz erantzun zidan. Orduan, nere gutuna eskuratu zuenez frantsesez... [+]
Ostiral gauerdian atzeman zituen Ertzaintzak ustez langileak ilegalki zeramatzan bi furgoneta, Ertzaintzak uste du Europako beste herrialde batera bidean zirela, han lan egiteko. Atxilotutako gidarietako batek hamar pertsona zeramatzan furgonetan eta besteak 22.