1945etik 1980a arteko froga atomikoen eraginez 2,4 milioi jende hilko dira
Froga Atomikoen Kontrako Nazioarteko Eguna ospatu da abuztuaren 29an mundu osoan. Bertan, Nazio Batuen Erakundeak arma atomikoak debekatu ditzan kanpainan ari den ICAN erakundeak oroitarazi du 2,4 milioi jende hilko direla munduan 1945tik 1980ra bitartean munduko potentzia handiek beren armak frogatzeko egin dituzten 2.000tik gora leherketen ondorioengatik.
Asteazkenean, abuztuak 29, munduak ospatu du Froga Atomikoen Kontrako Nazioarteko Eguna, arma atomikoak dauzkaten potentziek eta eduki nahi dituztenek horiek testeatzeko egiten dituzten leherketak debekatzea eskatzeko eta orain arte leherketon eraginez kaltetutako biktimak oroitzeko. Nazio Batuen Erakundearen lehendakari Antonio Guterresek zabaldutako mezuan esan du: "Test nuklearren historia sufrimeduaren historia da, 2.000 leherketa atomiko baino gehiagok eragindako biktimena, hauek sarritan munduko giza talde ahulenetakoak direlarik".
1945tik 1980ra artean kontabilizatutako 2.083tik gora froga nuklear horien leherketak batuta Hiroshimakoa bezalako 29.000 bonbaren leherketa osatzen dute. Arma atomikoen debekua eskatzen duen ICAN erakundeak egun honetan gogora ekarri ditu eztanda horiek minbizi, malformazio eta bestelako gaitzez kaltetutako biktimak, Gerra Atomikoaren Aurkako Medikuen elkartearen kalkuluetan 2,4 milioi herritar erradiaktibitatez hiltzen ari direnak.
Isao Hashimoto (1959) artista japoniarrak bideo honetan irudikatu zituen leherketa guztiok munduko maparen gainean kronologikoki ipinita:
Burua dardaratu eta ikaratu zigun ginkgoak (Ginkgo biloba). Lizar-makila denboran ginkgoa aspaldi galdutako zuhaitz espezietzat jotzen zen. Bere hostoen fosilak ezagutzen ziren, beste arrastorik ez.
Arma nuklearrak dituzten bederatzi herrialdeek 82.900 milioi dolar gastatu zituzten iaz arma horietan, 2021ean baino %3 gehiago. Arma Nuklearren Indargabetzerako Nazioarteko Kanpainak (ICAN) argitaratutako txosteneko datuak dira. Minutuko 157.000 dolar baino gehiago.
Vladimir Putinek iragarri du prest daudela jada hamar hegazkin armak Bielorrusian zabaltzeko. Europak mehatxu egin dio Bielorrusiari, eta planarekin aurrera jarraitu ezkero "zigor gehiagorekin" erantzungo diola adierazi du.