Ehunka pertsonak bat egin zuten Osasunako Sadar Bizirik ekimenak egindako deialdiarekin eta bertan izan ziren, halaber, fusilatuen senideak. Hauei lore sortak eskaini zizkieten eta Iruña Taldeko dantzari batek aurreskua dantzatu zien.

Egindako hitzaldian, fusilatutakoen izaera herritarra azpimarratu zuten eta goraipatu ere egin zituzten, esanez Osasunaren aldekoak izateaz gain, justizia, euskara eta askatasunaren aldekoak ere bazirela: “Jende aurrerakoia zen”. Halaber, talde memorialistek egindako lana ere gogoan izan zuten, pertsonen historia asko berregiteaz gain, gertaera lazgarrietatik 80 urtera “fusilatutakoen oroimena gaur egunera bizirik mantentzea lortu dute”.

Eszenatokiaren aurrean eserita zeuden senitartekoentzat hitz goxoak izan zituzten, eta haiek urte hauek guztietan jasandako sufrimendua ere ekarri zuten gogora. 1920an Osasunak mendeurrena beteko du eta urtean zehar ohorezko sake bat haientzat izatea eskatu zuten.

Iruña Taldeak eskainitako dantzekin amaitu zen ekitaldia eta ondoren kontzertua izan zen. Eguraldiagatik, puzgarriak Mañuetako frontoira eraman zituzten. Osasunak Alaves taldearen aurkako derbia jokatu zuen atzo arratsaldez –4-2 gorritxoen alde– eta talde arabarraren zale ugarik ere parte hartu zuen ekitaldian.

#Osasuna y el osasunismo va ganando, poco a poco, la lucha por la memoria y contra el olvido.

Eskerrik asko @sadarbizirik, @Affna36, familias Jaso, Bengaray, Aguirre, Cayuela, Zilbeti y todas las demás represaliadas. pic.twitter.com/h3Qk204okI

— FUTBOLA ERE... (@NosRobaronEl) November 3, 2019