18.776 milioi euro igo da Espainiaren gastu militarra 2017an
Azken hamarkadan lehen aldiz, Espainiako Gobernuak diru gehiago bideratu du militarren aurrekonturako: zehazki, 18.776 milioi euro gehiago. Iazko datuekin alderatuta, %32koa da gorakada; BPG Barne Produktu Gordinaren %1,64. Delàs Ikerketa Zentroak eginiko txostenak argitu duenez, Espainiaren egiazko kostu militarra Ogasun Ministerioak zabaldutako kopurua baino hiru aldiz handiagoa da.
Apirilean, Cristobal Montoro Ogasun ministroak Estatuko Aurrekontu Orokorrak aurkeztu zituenean, gastu militarra 5.758 milioi eurokoa izango zela zehaztu zuen. Horrez gain, programa berezietarako. 1.818 milioi euro erreserbatuko zituztela ere esan zuen. Laburbilduz, aurtengo gastu militarra 7.578 milioi eurokoa izango zela iragarri zuen Espainiako Gobernuak.
Delèsek adierazten du operazio militarretarako izango diren gastuak ez daudela behar bezala zehaztuta: txostenaren arabera, programa berezietara bideratutako diru kantitatea aurrekontu orokorren barruan sartu du Espainiako Gobernuak, ohiko prozesua albo batera utziz. Izan ere, gehigarri horiek aurrekontu orokorretatik kanpo egon behar dira, urtean zehar Ministro Kontseiluak onartu ahal izateko. Lehen unetik, gardentasun falta “nabarmena” dela adierazi dute Pere Ortega, Xavier Bohigas eta Xavier Mojal egileek.
Hala ere, datu susmagarriena kanpo operazioko kostuetan aurki daiteke: Espainiako Gobernuak dio urtero 14,3 milioi euro bideratzen direla Espainiatik kanpoko ekimenetara; ikerketaren arabera 800-1.000 milioi eurokoa da diru partida hori. 1998 eta 2016 urteen bitartean, guztira 36.500 milioi euro bideratu dira jardun horietarako.
Moncloa jauregia, martxoak 18: industria militarreko elitea Espainiako presidente Pedro Sánchez eta Defentsa ministro Margarita Roblesekin bilduta. Azken lerroan, euskal ordezkaritza: Juan Ignacio López Gandasegui (Aernnova); Jokin Aperribay (SAPA); Carlos Azola... [+]
Tutsi eta hutu etnien arteko gatazka zein mineralen ustiaketa dira gaiztotuz doan gatazka odoltsu horren iturrien artean. Nazio Batuen Errefuxiatuentzako Agentziak jakitera eman du orotara 5,7 milioi errefuxiatu eragin dituela 2021ean areagoturiko gatazkak.
1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.
Urtebete pasa da Mendebaldeari Ukrainako gerra okertu zitzaionetik. Xakean esaten da jokalari bat zugzwang posizioan dagoela egin dezakeen edozein mugimenduk kaltetuko badu. Mugimendurik egin beharko ez balu berdinketa lortuko luke, baina bere txanda bada, bereak egin... [+]