ARGIA.eus

2020ko abuztuaren 12a

160.000 errefuxiatu eragin dituzte Turkiaren hasierako erasoek

  • Nazio Batuen Erakundeak jakinarazi duenez, hurrengo egunetan zenbakiak gora egiteko arriskua du.

Igor Galarza Intxausti @IgorGalarza
2019ko urriaren 15a

Kurduek eta Siriako gobernuak adostasuna lortu dute, eta hala, Bashar Al Assad agintariak tropak bidali ditu jada, Siriako Kurdistanen Turkiak okupatu dituen lurrak berreskuratzeko asmoz. Indar kurduek Serekaniye hiriaren kontrola berreskuratu dute eta turkiarren mehatxupean zen Manbij hirira sartu dira milizia siriar-kurduak.

Bitartean, 160.000 errefuxiatu daude jada Turkiaren erasoa hasi zenetik, baina NBEk esan duenez, “zifra hori gorantz joan daiteke”. Lurreko erasoek eta bonbardaketek ez dute etenik.

Hildako ugari daude jada, asko zibilak, eta artean herri kurduaren liderretako bat zen Hevrin Khalaf. Siriako Etorkizuneko Alderdiko idazkari nagusia zena exekutatu dute Turkiaren aldeko mertzenarioek, Siriako Indar Demokratikoaren buruzagietako batek aditzera eman duenez.

Bestalde, Ameriketako Estatu Batuetako presidente Trumpek militar estatubatuar guztiak erretiratzeko agindu zuen igandean. Turkiako presidente Erdogani mehatxu egin dio: Altzairuaren arantzelak gogortuko ditu, Turkiak erasoa eten ezean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Kurdistan kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude