Antton Olariaga Aranburu, Altza Porruz:

"Marrazkilariok ere baratzikolak gara"

Garazi Zabaleta @tirikitrann
2016ko urriaren 30a
Dani Blanco

Zer-nolako esperientzia izan da Altza Porrukoa? Bizi Baratzea liburua askotan kontsultatu behar izan duzu marrazten hasi aurretik?

Esperientzia ederra! Nik baratzean, egia esan, esperientzia zero. Edo are gehiago, zero negatibo! Baina asko ikasi dut. Baratzeak erakutsi dit lurra landu behar dela lanean hasi baino lehen, eta guk ere gauza bera egin beharra dugu: ingurua pixka bat prestatu marrazten hasi baino lehen. Eta gero, pazientzia! Itxoiten jakin behar… Guk marrazki edo komiki bat egiten dugunean, tiraderan sartzen dugu. Handik bi egunetara tiradera ireki eta orduan ikusten dugu emaitza nolakoa den, ze akats dituen. Beraz, zentzu horretan gu ere baratzikolak gara.


Terabakterioa, eremu hidroponikoa, galipot biodegradagarria, Trans-Risotto... Baratzezaleentzat baino, ez da ba goi-mailako zientzialarientzako komikia izanen zurea?

Adi! Etiketak irakurri egin behar dira. Nahitaezkoa da irakurtzen jakitea. Hor, zerrenda horretan falta da, arriskutsuena eta Jakobian eraikinean gaueko auskalo zein ordutan erabiltzen dena: Salda bordelesa. Jakobak asko erabiltzen duen hitza da, eta bere puntuan manejatzen duela uste dut. Agian, hortik datorkio bere etorria…


Satorrei hitza eman diezu istorioan. Baratzeko animalia guztien artean, zergatik satorrei?

Jakoba astero sator lanetan nola ibiltzen den jakinda, ezinbestekoa zen bere satorkeriei sator batek ematea erantzuna.


Bere aurkako mendekua irudikatu duzu kontakizunean. Hain gaizki moldatzen al zara Jakobarekin?

Ez, ez. Badago esaldi oso famatu bat: “Hurbil higandik, lagunak. Hurbilago oraindik, etsaiak”. Ba horixe…


Izan duzu baratzerik noizbait? Ba al zegoen satorrik han?

Sekula ez dut baratzerik izan, baina nire buruan zulo ugari bai… hor bilatu behar satorrak!


Euskal komikigintzako aitzindarietakoa, argitalpen askotan hartu duzu parte. Baratzeari buruzko lehena izan al da zuretzat?

Noizbait testu liburuetarako edo kantuentzat ilustrazioak egin izan ditut baratzearekin lotuta, baina komiki forman lehena Altza Porrukoa. Eta benetan plazera izan da! Marrazkilarioi oinak jarri (bertsolaritzan bezala) eta guk erantzun grafiko bat ematearen ariketa, adibidez, oso polita iruditu zait.


Altza Porruren aurkezpenean erremolatxa aurpegia jarri dizute. Zergatik ote?

Hori sekretupean gorde dute, ez didate esan zergatik. Baina noski, Bizi Baratzea liburura jota, erremolatxaren saileko Nor norekin? atalean esaten du: “Lagun onak ditu aza jendea eta familiakoak”. Azaburu deitzeko modu oso fin bat da, beraz! Baina beno, ni harro erremolatxa izateaz…

Kanal hauetan artxibatua: Altza Porru  |  Komikia  |  Baratzea  |  Antton Olariaga

Altza Porru kanaletik interesatuko zaizu...
2017-01-25 | ARGIA
Jakoba Errekondok eta Mattin Martiarenak 'Altza Porru' aurkeztuko dute ostegunean Donostian

Jakoba Errekondok eta Mattin marrazkilariak Altza Porru komiki liburua aurkeztuko dute ostegunean, hilak 26, Ategorrietako (Donostia) Iturritxo jatetxean, 19:00etan.


2017-01-03 | ARGIA
'Altza Porru' komiki liburua aurkeztuko da asteazkenean Hernanin, Ainara Azpiazuren 'Arian Arian' erakusketaren barruan

Baratzea gaitzat hartuta Jakoba Errekondok eta zortzi marrazkilarik egindako Altza Porru komiki liburua aurkeztu da urtarrilaren 4an Hernaniko Biteri Kultur Etxean, 19:00etatik aurrera. Ainara Azpiazu Axpi hernaniar irudigilearen Arian Arian erakusketaren barruan egingo da ekitaldia. Azpiazu da Altza Porru-n parte hartu duen marrazkilarietako bat, hain zuzen; libururako egindako irudiak erakusketan agertu nahi izan dituen lanen artean daude.


2016-12-18 | Garazi Zabaleta
"Etengabeko festa izan da liburuaren sortze prozesua"

Altza Porrun ikusi zaitugu Jakobian eraikineko jabe, intxaurrondo bihurtzen den superheroi moduan… Ez al zaituzte gehitxo xaxatu marrazkilariek?


Ezetz esango nuke. Nik dagoeneko lagun ditut komikilari horiek, eta badakizu zer pasatzen den lagunekin… Liburu honekin gertatu dena da, edozein gauza gertatu zitekeela! Eta ideia horrekin sortu zen, gainera. Nik estutasun batean jarri nahi nituen marrazkilariak: beraiek eraiki behar zituzten gauza asko, ez zitzaien dena egina... [+]


2016-12-11 | Garazi Zabaleta
"Txikitatik daukat barrazkiak egiteko ohitura"

Barazkiak supermerkatuan erosketak egiten, tabernan urtikalimotxoak edaten, Su Ta Sagar entzuten… Ez al da gehiegizkoa?


Gehiegizkoa guk daramagun bizimodu hau iruditzen zait, halako abiaduran. Itxuraz, komikian barazkiek mundu kaotikoa adierazten dute, baina seguraski guk hautatu dugun bizitza dago hor, gure mundu kaotikoaren isla da.


Baratzearen inguruan bi mundu paralelo marraztu dituzu, elkar eragiten: batetik kanpokoa, baratzezainarena, eta bestetik barrukoa, barazkiena... [+]


2016-12-04 | Garazi Zabaleta
"Bertsotan egiteak eta marrazteak duten antzekotasun bakarra, sortzen didaten erretzeko gogoa da"

Altza Porrun parte hartu duzun arren, komiki-kontakizun osorik ez duzu egin gainontzeko marrazkilariek ez bezala. Zentsuratu egin al zaitu Jakobak?

Banekien jakin Jakobak ni zentsuratzeko asmoa zeukala eta horregatik, neure buruari inportantzia emanez, erabaki nuen aukera hori ez ematea. Eta bai, egia da ez dudala gainontzeko marrazkilariek legez komiki-kontakizun osorik egin Jakobarekin berbatuta dudalako hurrengo albuma neuk idatzi eta marraztuko dudala oso osorik. Edozelan ere, hori ez... [+]


2016-11-27 | Estitxu Eizagirre
ARGIAren mahaian dugu hitzordua

Durangoko Azokara bazatoz, ARGIAren mahaian opari berezi bat duzu zain: Mozal Legeak ARGIAri jarri zion isunari erantzunez aurten atera dugun azala, poster bihurtuta. Horrelako erasoei aurre egiteko ARGIAren indarra jendea da. Horregatik, ARGIA-jende gehiago egitea eta bakoitzak ahal duen ekarpena egitea izango da aurten helburu nagusia. ARGIAren mahaian eskuratu ditzakezun liburu eta egutegien artean, aurten ere ez da saltsarik eta umorerik faltako. Pasa mahaitik eta esan ARGIAkoa zarela... [+]


2016-11-27 | Garazi Zabaleta
"Izan al dugu inoiz porruak ereiten dakien lehendakaririk?"

Baratzegintzak eta politikak bat egin dute zure komikian. Lotura surrealista xamarra.

Jakobari entzun nion behin baratzeaz ulertzen ez duena ez dela euskaldun kultua. Zer pentsatua eman zidan horrek. Halako batean Urkulluren mitin baten zati bat bota zuten ETBn, eta bere eskuetan fijatu nintzen. Ikusten zen esku haiek gehiago probatu zutela ogi masaren leuna eta gozoa eta ez baratzearen lakarra eta zikina. Aitzur gutxi hartutakoak zirela, alegia. Eta nirekiko pentsatu nuen: “Honek ez... [+]


2016-11-20 | Garazi Zabaleta
"Jakobita nintzen Jakobitak ezagutu aurretik"

Baratzegintzaz dakizun guztia zortzi orrialdetan sartu duzu Altza Porrun. Asko-asko ere ez zenekien orduan, ezta?


Bada, ez. Gutxi dakit eta gainera dakidan apurra segituan ahazten dut. Gogoratzen naiz amari galdetu niola baratxuriak nola erein behar ziren eta berak erantzun. Handik bi egunetara baratzetik deitu nion, baratxuriak eskuan, ea pikua behera zen edo aldrebes. Desastre!


Zerk elkartzen ditu Faltzes, Aranzadi, Lezo, Abaurregaina, Twitter, Etxauri eta Txantrea?


Hori da... [+]


2016-11-13 | Garazi Zabaleta
"Paradisua eman diot Altza Porruri"

Permakultura, baratze ekologiko, biodinamika eta zero zabor filosofiadun unibertsoa marraztu duzu. Jakobitentzako paradisua da!

Bai, hala da! Naturak berez, guk esku-hartzen ez dugunean, daukan perfekziorako joera irudikatu nahi nuen, horrek liluratzen nau. Gaur egun atzetik gabiltza beti, hanka-sartzeei buelta emateko sistemak asmatzen. Edo asmatu nahian behintzat. Horren guztiaren beharrik ez den momentua irudikatu nahi izan nuen. Ez dakit paradisuko mundu horretatik gatozen, baina joan,... [+]


2016-11-06 | Garazi Zabaleta
"Baratzean marraztu dut ia komiki osoa"

Baratzeaz hitz egiten baino, kaka-solasean aritu zara Altza Porruko zure tartean, Asisko…

Beno, hiritarra naiz ni, oso oso iruindarra, eta familian hurbileko inor ez dut sekula baserrian izan. Orain, nire bizitza egin dudanean, lurrarekin lotura badut, baina benetan oso berria da harreman hori. Eta harrigarria egiten zait ikustea nola lurrak dena irensteko ahalmena duen. Lana ematen diogu lurrari etengabe, ustiatu egiten dugu… eta zer itzuli diezaiokegu guk berari? Bada, gure... [+]


ASTEKARIA
Azkenak
EGILEA
Eguneraketa berriak daude