'Altza Porru' komiki liburua aurkeztuko da asteazkenean Hernanin, Ainara Azpiazuren 'Arian Arian' erakusketaren barruan
Baratzea gaitzat hartuta Jakoba Errekondok eta zortzi marrazkilarik egindako Altza Porru komiki liburua aurkeztu da urtarrilaren 4an Hernaniko Biteri Kultur Etxean, 19:00etatik aurrera. Ainara Azpiazu Axpi hernaniar irudigilearen Arian Arian erakusketaren barruan egingo da ekitaldia. Azpiazu da Altza Porru-n parte hartu duen marrazkilarietako bat, hain zuzen; libururako egindako irudiak erakusketan agertu nahi izan dituen lanen artean daude.
Liburuko zenbait testuren egilea, Jakoba Errekondo, eta beste komikigile bi, Antton Olariaga eta Patxi Huarte Zaldieroa, izango dira halaber aurkezpenean. Batzuen eta besteen trebezia baliatuko dute ezohiko moldean eraikitako aurkezpena eskaintzeko, Euskal Herrian barna ibiliko den Komikhitzaldia formatuan.
Altza Porru-n parte hartu duten beste marrazkilariak Joseba Larratxe Joxevisky, Iñaki “Mattin” Martiarena, Asisko Urmeneta, Unai Iturriaga eta Unai Gaztelumendi dira. Maialen Lujanbiok ere aletxoa ipini du, hitzaurre berezi eta dotorea onduz. Liburuaren aurkezpenera azken unean azalduko dela iragarri du Lujanbiok.
Ainara Azpiazuren lan hautatuak erakusten dituen Arian Arian erakusketa abenduaren 23az geroztik dago ikusgai Biteri Kultur Etxean, eta urtarrilaren 5era arte iraungo du.
Jakoba Errekondok eta Mattin marrazkilariak Altza Porru komiki liburua aurkeztuko dute ostegunean, hilak 26, Ategorrietako (Donostia) Iturritxo jatetxean, 19:00etan.
Altza Porrun ikusi zaitugu Jakobian eraikineko jabe, intxaurrondo bihurtzen den superheroi moduan… Ez al zaituzte gehitxo xaxatu marrazkilariek?
Ezetz esango nuke. Nik dagoeneko lagun ditut komikilari horiek, eta badakizu zer pasatzen den lagunekin… Liburu... [+]
Barazkiak supermerkatuan erosketak egiten, tabernan urtikalimotxoak edaten, Su Ta Sagar entzuten… Ez al da gehiegizkoa?
Gehiegizkoa guk daramagun bizimodu hau iruditzen zait, halako abiaduran. Itxuraz, komikian barazkiek mundu kaotikoa adierazten dute, baina... [+]
Altza Porrun parte hartu duzun arren, komiki-kontakizun osorik ez duzu egin gainontzeko marrazkilariek ez bezala. Zentsuratu egin al zaitu Jakobak?
Banekien jakin Jakobak ni zentsuratzeko asmoa zeukala eta horregatik, neure buruari inportantzia emanez, erabaki nuen aukera... [+]
Baratzegintzak eta politikak bat egin dute zure komikian. Lotura surrealista xamarra.
Jakobari entzun nion behin baratzeaz ulertzen ez duena ez dela euskaldun kultua. Zer pentsatua eman zidan horrek. Halako batean Urkulluren mitin baten zati bat bota zuten ETBn, eta bere... [+]