Jendarte solidario eta integratzailea sortu behar dugu
Arabako PP hauteskundeei begirako kanpaina egiten ari da Diru-sarrerak Bermatzeko Errentarekin (DBE) eta bizirauteko sen primarioenak erabili nahi ditu horretarako: lehenengo ni eta gero “besteak”. Hala, xenofobiaren haztegi arriskutsua elikatzen ari da. Hamarkadak igaro dira sektore abertzaleek gure herrira iristen ziren immigranteak “maketoak” eta “korearrak” zirela esanez diskriminatzen zituztenetik. 60ko hamarkadan, eta bereziki ezker abertzalean, Euskal Herri Langilea hitza sortu zen, eta onartu zen herri honen parte zirela ez soilik berton jaiotakoak, baita Euskal Herrian bizi eta lan egiten dutenak ere. Immigranteen integraziorako apustua izan zen.
Euskal abertzaletasuna gehien kritikatu duen horrek, alderdi popularrak, gutxiengo batek immigranteekiko duen ezinegona aprobetxatu nahi du orain, herritarren eta jendartearen kontra doan kanpaina xenofoboa abian jartzeko. Hala, amnesia kolektiboa zabaldu nahi du, jendeak ahaztu dezan zeinek sortu, sustatu eta baliatu duen milaka laguni eragiten ari den ekonomia krisia, edota zein diren sistemaren iruzurgile handienak: Rato, Blesa, Barcenas, Fabra eta abar. Horiek guztiak PPkoak dira, eta ez honen guztiaren benetako biktima diren immigranteak.
Euskal jendarteak Gasteizko Eskubide Sozialen Plataformaren lorratzari segi beharko lioke, sortu ahal izateko jendarte barneratzailea, kohezitzailea, anitza, diskriminaziorik gabea, eskubide unibertsalen jabe dena, solidarioa, bizigarria… Herri honek merezi duen jendarte eredua alegia. Eta eragile sozialek, erakundeek eta alderdi politikoek hauteskunde interesak albo batean utzi beharko lituzkete, bizikidetza sustatuko duten politika sozial eta integratzaileak arduraz garatzeko ordua baita.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Erribera, historian, sekula euskalduna izan ote den; horra hor Nafarroan, duela berrogei urtetik hona, hainbestean behin errepikatzen den eztabaida bizantziarra (eztabaida bizantziarra: eztabaida alferrekoa, zeinean alde bakoitzak ezin baitizkio frogatu bere baieztapenak beste... [+]
Etxez aldatzen naizenean, edo, areago, norbait etxetik joaten denean, oroiminak hartzen dizkit burua eta bihotza. Orduan hasten naiz zer gordeko dudan eta zer ez erabakitzen saiatzen. Izan ere, objektu guztiek lotzen gaituzte zerbaitetara, edo norbait ekartzen digute gogora;... [+]
Estatu poliziala kanpora! Abesten dute negar-gasen leherketen artetik. Gaztetxo konprometituak, amatxi militanteak, aurpegi estaliak, edo ez, pailazoak, musikariak, sindikalistak eta politikariak, kaskodun medikuak, laborariak traktore gainean... Landa-eremuan zein hirian,... [+]
Ezaguna da enpresa frantses batzuek (Thales, Airbus, Dassault) aspalditik laguntzen dutela Israel haren ekipamendu militarra osatzen. Disclose elkartearen inkesta baten arabera, berriz, Frantziako Gobernuak berak hornitu dizkio osagai elektronikoak Israeli, Gazako zibilak... [+]
Gauzak ez dira horrela, gauzak horrelaxe daude. Esaldi hori iltzaturik geratu zitzaidan Gorka Urbizuren diskoa osorik eta patxadaz entzun nuenean. Uste nuen aurkikuntza itzela egin nuela identifikazio horrekin, inozentea ni! Gerora ohartu naiz, merchandising-erako leloa izateaz... [+]
Gizakiontzat ez da inoiz erraza izan lasai pentsatzeko denbora tarte luzeak hartzea, bizimodua aurrera ateratzearen ardurarekin bizi gara, bai geurea zein geure ondorengoena. Bizitzeko izan dugun aukera honetan, ahalik eta ongien nahi ditugu gauzak egin. Ardura horiengatik,... [+]
Krisi existentzial dezente ditut inguruan. Nerabezaroa/gaztaroa itxurakerian pasa, antzezten helburu zutena pertsona onak (ona izanik justua, ez denari baietz esaten dion lerdoa) izatea, benetako bizitza bat bizitzea zela, are, iraultza egitea, eta, orain, berrogei urteak pasa,... [+]
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]