Ziburuko Ikastolaren kontrako mehatxu eta erasoak salatzeko manifestazioarekin bat egin du Ikastolen Elkarteak
Euskal Herriko Ikastolen babesa jaso du Ziburuko Kaskarotenea ikastolak. Dozenaka zuzendari, irakasle, guraso eta ikasle bildu zituen agerraldian, Ziburuko ikastola jasaten ari den erasoa gaitzetsi eta azaroaren 8ko manifestaziora deitu dute, Ikastolak ez hunki lelopean.
4.300 eurotik gorako isuna ezarri diote Kaskaroteneari, irailaren 11z geroztik ikastolaren eraikina erabiltzeagatik. Orain, tokia berehala husteko agindua eman die Ziburuko auzapezak, eta bestela ikastola hustera jendarmeak bidaliko dituela mehatxatu du. Omiasainduko oporren ondotik, azaroaren 3an haurrak eskolara bueltatzen direnean "gerta daitekeenaren aitzinean adi egoteko deia" luzatu dute Seaskako arduradunek.
Auzapezarekin biltzeko eskatu dute ikastolako ordezkariek, auziari konponbidea eman nahian, izan ere alternatibak badaude, baina "osoki libre dagoen Zokoako Jules Ferry eskolako egoitzara joatea eragotzi nahi" die auzapezak, salatu dutenez.
"Euskaraz bizi nahi duen herriari erasoa da hau"
Esan bezala, Ikastolen Elkarteak bat egin du manifestazioarekin. Elkarteko lehendakari Koldo Tellituren esanetan, "Ziburuko auzapeza ez da ari Kaskarotenearen aurka soilik. Seaskaren aurka eta ikastola mugimendu guztiaren aurka ari da. Hau, euskarari, euskal kulturari, euskaraz bizi nahi duen herri bati egiten zaion erasoa da. Ikastola guztiak bat eginda gaude eraso honi aurre egiteko, baina erakunde, alderdi eta gainontzeko eragileek ere badute erantzukizuna".
Era berean, euskal gizarteari ere bertaratzeko eskaera egin die, "auzapeza ohar dadin ez dizkiogula onartuko halako erabakiak eta, ikastolak dei egin bezala, has dadin, elkarrizketaren bidez, benetako irtenbide baten bila".
Manifestazioa azaroaren 8an, arratsaldeko lauetan abiatuko da herriko plazatik.
Hastapen gogorrak izan ziren Ziburuko ikastolarenak: Herriko Etxearekin adostutako eraikinetik bota nahi izan zituen auzapezak eta argindarra moztu zien, Polizia bidaltzearekin mehatxatu, isuna ezarri… baina elkartasun uholdea jaso zuen Kaskarotenea ikastolak eta aurrera... [+]
Ziburuko auzapezak jarritako oztopei aurre egitea lortu dute Kaskarotenea ikastolako kideek. Asteazkenean hasiko dute ikasturtea haurrek ikastolaren eraikin berrian.
Igande honetan, maiatzaren 10ean, Herri Urrats 32. ekitaldia Senpereko lakuan. Ospakizunean bildutako dirua Ziburuko ikastola berria eraikitzeko izanen da.
Ez da inolako akordiorik lortu Ziburuko Kaskarotenea Ikastolaren eta Herriko Etxearen artean. Seaskak, Kaskarotenea Ikastolak, behin eta berriz azpimarratu du ikastolak zerbitzu publikoa eskaintzen duela, euskaraz ikasteko aukera emanda herriko haurrei. Laida Mujika ikastolako... [+]
Kaskarotenea ikastola Ziburun mantentzeko 300.000 euroko balioa duen lursail bat erosiko du Seaskak. Herri Urratsen bilduko den dirua erabiliko dute gastu horri aurre egiteko.