Zabor-biltzaileek liburutegia osatu dute, jendeak botatako liburuekin

  • Ankarako zabor-biltzaileek bigarren bizitza bat eman diete jendeak botatako liburu eta aldizkariei: irakurgaiak bildu eta 24 orduz irekita dagoen liburutegia zabaldu dute fabrika huts batean. Dagoeneko 4.700 liburu dituzte.


2018ko urtarrilaren 29an - 09:15

Duela zazpi hilabete inauguratu zuten liburutegia, zabor-biltzaileentzat eta euren familientzat. Orain, mundu guztiari zabaldu dizkiote ateak, eta kafetegia, deskantsatzeko gela eta bulegoak atondu dituzte fabrika hutsean, besteak beste.

Hamazazpi kategoriatan sailkatu dituzte liburuak (haur literatura, maitasunezkoa, beldurrezkoa, arlo jakinetako saiakerak…) eta puskatuta edo irakurrezin iristen diren liburuei ere ematen diete erabilera, beste liburuentzako euskarri gisa aprobetxatzen baitituzte.

Liburutegi berezi honek izan duen oihartzuna medio, jende bat hasi da bigarren eskuko liburuak bertara eramaten, eta Turkiako hiriburuko biztanle batzuek, hondakinak uzten dituztenean, liburuak aparteko poltsa batean uzten dituzte, zabor-biltzaileei lana errazteko eta liburutegira eraman ditzaten.

Liburutegi ibiltaria martxan

Ekimen interesgarri bat ere jarriko dute martxan aurten, Teledocen jakinarazi dutenez: hamabost egunero, Ankarako ikastetxeak bisitatuko dituzte, liburutegiko hainbat irakurgai eramanez. Liburutegirik ez daukaten eskola batzuk dagoeneko harremanetan jarri dira zabor-biltzaileekin.


Kanal honetatik interesatuko zaizu: Liburuak
2024-01-14 | Reyes Ilintxeta
Jose Mari Esparza. Ideia trafikatzailea
"Borrokaren beharra transmititu nahi dut, zerbait berria sortuko da, beti sortu da"

Jose Mari Esparza idazle, editore eta ekintzaile menderaezinak bere lanerako txokoan hartu gaitu, Altaffaylla Kultur Elkartea eta Txalaparta argitaletxearen sorlekuan, liburuz inguraturik. Gaztetan 20 urtez aritu zen Luzuriagaren Tafallako fabrikan lanean eta orain berriki... [+]


2023-11-27 | ARGIA
Eva Forest Liburutopia
Utopia letra eta kafe artean elikatzeko liburu-denda

Abenduaren 1ean inauguratuko dute Gasteizko Alde Zaharrean Eva Forest Liburutopia kafe-liburudenda. Proiektua “pentsamenduaren eta kulturaren hedapen eta gozamenerako topalekua” izatea nahi dute bere bultzatzaileek. Hilabeteko programazioa aurkeztu dute jada... [+]


Ander Berrojalbiz. Heretikoz, sorginez, Elurzuriz
"Gizartea ezin da ulertu gizakiaren parte magiko sobrenatural hori gabe"

Akelarre saiakera argitaratu zuen 2021ean, eta, iaz, berriz, perla urregorrizko bat: Elurzuriren hiru heriotzak. Grimm anaien ipuin ezaguna berridatzi zuen, eskuizkriburik zaharrena abiapuntu harturik, Grezia zaharreraino joanez, eta Elurzuriren istorioko zenbait elementuri... [+]


Eguneraketa berriak daude