Etxerat: "Xabier Reyren heriotza ekidin zitekeen, baina ez dute nahi izan"

  • Etxerat euskal presoen aldeko elkarteak Xabier Rey Urmeneta euskal presoaren heriotza dela eta egin duen agerraldian salatu duenez, "Xabierren heriotza ekidin zitekeen, baina ez dute nahi izan. Xabier Reyren heriotzaren erantzukizun osoa espainiar Estatuak mantentzen duen salbuespenezko espetxe politika suntsitzaile honek dauka".

ARGIA @argia
2018ko martxoaren 07a
Etxerateko kideek espetxe sistema egin dute Xabier Reyren heriotzaren errudun. (Argazkia: @EtxeratElkartea)

Xabier Rey Urmeneta euskal preso politikoa Puerto de Santa Mariako (Cadiz, Espainia) espetxean hil dela eta Iruñean egindako agerraldi publikoan egin ditu baloraziook Etxeratek (hemen irakurri duten testua osorik).

Etxerateko arduradunek salatu dituzte Xabier Reyk urteotan jasan dituen bizi baldintza oso gogorrak: "Lehen graduaren aplikazio sistematikoak espetxe legedian aurrerapausorik lortzeko ate guztiak ixten ditu. Baina, are gehiago, espetxe jarduera oro egiteko oztopo eta debekuak sorrarazten ditu espetxe bizitzari aurre egiteko (...) Ez ote da krudela Xabier Reyren senide eta gertukoek 1.050 kilometro egin behar izatea Puerto de Santa Mariaraino, haien senide maitearen gorpu bizigabea ekartzeko, 10 urte luzez egin dituzten bidaia amaigabeen eta nekagarrien antzera?".

Zenbait hedabidek zabaldu dutenean Xabier Reyk bere burua hil duela, Etxeratek espetxe sistemaren erantzukizuna nabarmendu du, euskal gizarteari sakabanaketaren eta espetxe baldintza horien kontra mugitzeko eskatuz: "Erronka honi aurre egiteko konpromisoa, ausardia eta adorea eskatzen dugu. Euskal gizarteak ezin baitu beste bizitza bat utzi konponbidearen bidean".

38 urteko iruindarra, 10 urte zeramatzan preso 2008an atxilotu zutenetik eta bolada luzeak pasarazi dizkiote isolamenduan. Puerto de Santa Maria Euskal Herritik 1.050 kilometro baino gehiagora dago. 26 urteko espetxe zigorra ezarri zioten Reyri, honek polizia espainolak eragindako torturak salatu zituen epaiketa batean.

Kanal honetan artxibatua: Euskal preso politikoak

Euskal preso politikoak kanaletik interesatuko zaizu...
2018-06-17 | ARGIA
1.500 pertsona manifestatu da Baionan, Esnal, Haranburu eta Parot anaien alde

Egun bat gehiagorik ez lemari atxikiak, ehunka lagunek bat egin zuten Lapurdiko hiriburuko karriketan. Ion Parot, Unai Parot, Jakes Esnal eta Frederic Haranburu Txistor preso lapurtarren baldintzapeko askatasuna eskatu zioten Macronen gobernuari ozenki.


2018-06-14 | ARGIA
Asier Ezeiza preso hernaniarra Mont-de-Marsan espetxera hurbildu du Frantziako Gobernuak

Tarascon kartzelan izan da Asier Ezeiza azken urtea, bere sorterritik 750 kilometrora, eta orain Mont-de-Marsenera aldatu dute Etxerat Elkarteak jakinarazi duenez.


Eusko Legebiltzarrak kartzela-politika aldatzeko eskatu du, PSEk ere babestuta

EH Bilduk egindako proposamenetik abiatuta eta EAJ, PSE eta Elkarrekin Podemosen zuzenketekin, espetxe politika aldatzeko eskatu du EAEko Legebiltzarrak.


2018-06-04
Espetxe politikaren aldaketa sustatzeko Orain Presoak ekimena aurkeztu dute

Orain Presoak ekimena aurkeztu dute espetxe politikaren aldaketa bultzatzeko hainbat pertsona ezagunek sinatutako idatziarekin. Manifestua zabaltzeaz gain urriaren 20rako mobilizazi bat iragarri dute Bilbon.


2018-05-29 | Euskal Irratiak
Bagoaz mugimenduak manifestazio handi bat deitzen du ekainaren 16an

Manifestazio bat antolatzen du Bagoaz mugimenduak ekainaren 16an, Frédéric Txistor Haranburu, Jakes Esnal eta Unai eta Jon Parot euskal preso politikoen askatasuna galdetzeko.


2018-05-22 | ARGIA
Futbol 7 Hendaian: preso eta iheslarien aldeko ekitaldia

Urtero legez, preso eta iheslari politikoak sostengatzeko, Futbol 7 Txapelketa eginen da Hendaian. 15. edizioa abian dago jada. Maiatzaren 26an izanen da, datorren larunbatean, Hendaiako Ondarraitz Errugbi zelaian.


Zuek zarete terroristak

Pasa den ostegunean Espainiako Audientzia Nazionalak hamarnaka preso politiko ohiren kontu korronte eta ondasunen aurkako operazioa abiatu zuen. Dirua, autoak eta higiezinak bahitu zituen eta pertsona askoren bizitza izorratzeko urrats errepresibo handia eman zuen (operazio honen barnean daudenena eta etorkizunekoetan egongo direnena).


2018-05-17 | ARGIA
Preso ohiei ondasuna kentzeko operazioa abiatu du Guardia Zibilak

Espainiako Barne Ministerioak jakinarazi duenez, 50 euskal preso ohi ingururi ibilgailuak, kontu korronteak eta ondasun higiezina errekisatzeko operazioa abiatu du Guardia Zibilak, "biktimak indemnizatzeko funtsak lortzeko helburuz".


Luis Iruretagoiena 'Suni' preso tolosarra Mont-de-Marsango espetxera gerturatu dute

Gaur bertan egin dute leku aldaketa, eta Iruretagoienak berak familiari jakinarazi dio telefono bidez. Mont-de-Marsango espetxea 180 kilometrotara dago Tolosatik, Landetako departamenduan, Akitania Berria eskualdean.


Azkenak
EGILEA
Eguneraketa berriak daude