"Ukrainako batailoi naziei armak ematen dizkieten gobernuak dira terroristak"

  • Santiago Pedraz epailearen aginduz ostiralean egin zen polizia-operazioan zortzi gazte atxilotu zituzten “terrorismo” delitua egotzita, Murtzia, Asturies, Katalunia, Nafarroa, Extremadura eta Madrilen. Zortziak egun berean libre utzi zizuten. Horietako bat Sergio Becerra madrildarra da. Telefonozh hitz egin dugu berarekin operazioaren inguruko nondik-norakoak ezagutzeko asmoz.

Ibai Trebiņo @errusiarzalea
2015eko martxoak 02

Nolakoa izan da atxiloketa?

Ostiral goizean atxilotu naute etxean, 6.30ak inguruan. Kaputxadun poliziak etxera etorri eta arma eskutan atxilotuta eraman naute. “Terroristekin borrokatzeagatik” atxilo nagoela esan didate. Harrituta geratu naiz. Madrilen ez da oso ohikoa atxiloketa batean kaputxadun poliziak ikustea.

Komisaldegira eraman eta han egon ondoren nire etxea miatu dute, telefonoa eta bestelako gauzak eraman dituzte. Komisaldegira itzuli eta arratsalde partean kargupean askatu naute. Oraingoz ez dituzte atxilotu guztien kontrako inolako neurri berezirik ezarri.

Nolakoa izan da tratua polizia-etxean?

Inkomunikatuta egon gara. Gure senideei gurekin hitz egiten utzi ez dieten arren, tratua zuzena eta egokia izan da.

Zer leporatzen dizuete zehatz-mehatz?

Lehergailuak eta armak edukitzea, erailketa, “Espainiako Erresumaren interesen aurkako” borroka armatu batean parte hartzea, Espainiaren neutraltasuna urratzea eta terrorismoa. Denak, leporatzen dizkiguten karguak faltsuak dira.

Donbasseko gerran egon zinelako terroristatzat jo zaituzte.

Gu ez gara terroristak. Biztanleria zibila defendatzera joan ginen Donbassera eta harro gaude.  Ukrainako naziak armatzen eta sostengatzen dituztenak dira terroristak, Espainia alegia. Armak eskutan gure etxeetara etorri direnak dira terroristak. Espainiaren neutraltasuna urratu dugula diote. Ikaragarria da. Neutraltasun hori haiek urratu dute gu baino lehenago, NATO sostengatuz eta Ukrainako batailoi naziak finantzatuz.

Atxiloketen irudien artean, harrigarria egin zait gaurko operazioan atzemandako pistola baten irudia. Armak gordetzen al zenituzten etxean?

Ezin izan dut telebista ikusi, baino harrituta utzi nauzu. Nik ez daukat pistolarik etxean eta ez dut uste inork edukiko zuenik. Ez dugu inolako armarik ekarri Donbassetik, astakeria eta montaje hutsa da. Espainiako komunikabideek eduki duten jarrera oso tristea dela esan dit lagun batek. Nire kasuan, nire lanpostua zein den argitaratu du El Pais egunkariak. Ez genuen hori merezi, gure intimitatea ez da errespetatua izan.

Operazio honek elkartasun internazionalista kriminalizatzea helburu duela uste duzu?

Bai duda barik, baina guk internazionalismoaren bidetik lanean jarraituko dugu. Donbasseko herriak inoiz baino gehiago behar du gure laguntza.

Kanal hauetan artxibatua: Donbass gerran  |  Espainia  |  Internazionalismoa

Donbass gerran kanaletik interesatuko zaizu...
2016-08-19 | Ibai Trebiņo
#DCLeaks filtrazioa: ARGIAko kolaboratzaileak George Sorosen zerrenda beltzean

Ibai Trebiño eta Asier Blas ARGIAko kolaboratzaileak George Soros milioidunak eskatutako zerrenda batean agertu dira berriki ezagutu den filtrazio baten arabera. Trebiñok egoeraren bere balorazioa egin du.


Dokumentala estreinatu dute

Euskaldunok ezagun dugu proiektu bat martxan jartzeko diru-laguntza kolektiboaren ohitura. Zuk ere hartuko zenuen parte batean baino gehiagotan, irakurle, poltsa bidez, bonu edo errifa moduan, zozketaren batean edo zuzenean kontu-korrontean sartuta. Bada orain betiko laguntza ekonomikoari crowdfunding deitzen zaio. Interneten zertxobait moldatzen bazara ziur entzuna duzula hitza, eta akaso kanpainaren batean ere zure ekarpena egina izango duzu. Baina errifak karterako bazter ezkutuenetan bezala... [+]


2016-06-09 | ARGIA
'Donbass: gerra Europaren bihotzean' dokumentala larunbatean estreinatuko da Arrasaten

Ibai Trebiño eta Mikel Arregi ARGIAko kolaboratzaileek Ukraina, Krimea eta Donbassen jaso dituzten lehen eskuko testigantzetan oinarrituta dago lana. Dozenaka lagunen diru ekarpenari esker ondu duten dokumentala Arrasateko Amaia Antzokian eskainiko dute 19:30ean.


2015-11-08 | Axier Lopez
Herritarren bizipenak argitara ateratzeko crowdfundinga

Donbass: Gerra Europaren bihotzean dokumentala kaleratzeko diru bilketa martxan jarri du ARGIAk Karena.eu plataforman. Ibai Trebiño eta Mikel Arregi kazetariek Ukraina, Krimea eta Donbassen jaso dituzten lehen eskuko testigantzetan oinarrituta dago lana.


2015-10-07 | ARGIA
Donbasseko gerraren beste aldea erakusteko asmoz crowdfundinga abiatu dugu

Donbass: Gerra Europaren bihotzean dokumentala kaleratzeko diru bilketa martxan jarri dugu karena.eu plataforman. Ibai Trebiño eta Mikel Arregi ARGIAko kolaboratzaileek Ukraina, Krimea eta Donbassen jasotako testigantzetan oinarritutarik dago.


2015-07-21 | Ibai Trebiņo
Pausoz pauso, Errusia euskalduntzen

Erreka errusieraz Reka esaten da; Euskara eta Errusiar hizkuntzaren arteko antzekotasunez mintzo zaigu Natalia, Errusian jaio eta bizi den euskaldun berria, Mosku errekaren bazterretik paseoan goazela.


G7aren bileran Errusiak ez du hitz egiten, baina Errusiaz hitz egiten da

Protesten artean egiten ari da G7aren bilera Alemanian. Munduko zazpi estatu boteretsuenak ari dira parte hartzen (AEB, Alemania, Kanada, Japonia, Frantzia, Erresuma Batua eta Italia).


Vostok batailoia: bandera anitzeko milizia
MULTIMEDIA - erreportajea

Donetsk-en kaleetako propagandak aditzera ematen duen bezala, Vostok batailoia da gaur egun bertako herri errepublikan dagoen indar militarrik nabarmenena. Vostok ekialdea da errusieraz, eta Ukraina ekialdeko errepublika matxinoetan jaun eta jabe dira.

Ukrainako armadako jeneral eta militar ohiek berpiztua, Vostok batailoiak iragan apirileko  herri-altxamenduan egin zuen agerraldia. Ordutik, Donetsk-eko errepublikaren “zaindari” bilakatu da.

Ukrainako gerra zibilean... [+]


Azkenak
EGILEA
Eguneraketa berriak daude