Bilboko Alde Zaharreko auzokideak asteazkenean manifestatuko dira turistifikazioaren kontra. 'Auzoa ez dago salgai' leloarekin Unamunotik hasiko da protesta urtarrilaren 31 asteazkenean 19:30ean.
Bihotzean elkarteak eta Sos Alde Zaharra plataformak prentsaurrekoa eman eta manifestazioa iragarri dute . Alde Zaharreko bizi lagunak kezkatuta duade turistifikazio prozesuagatik. Auzotarrena beharrean, turistena bihurtzen ari dela salatu dute.
Egoerari aurre egiteko elkarte berri bat sortu dute. Hiru esparrutan ikusten dute arazoa nagusiki: Etxebizitzaren arazoan, espazio publikoaren pribatizazioan eta merkataritza txikian.
Bilbo Hiria irratiko kideak prentsaurrekora joan dira eta erreportajea egin dute.
Albiste hau Bilbo Hiria irratiak argitaratu du eta CC-by-sa lizentziari esker ekarri dugu ARGIAra.
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.