Tere eta Bea
"Ez dugu asko aurreratu, bai duela 30 urte bai orain, eskolak jarraitzen du pentsatzen hori dela gure seme-alabek zenbat dakiten neurtzeko modurik onena, haien jakintza paper txuri bat eta ordubeteko jardunean sartuko balitz moduan".
Liburutegira joan eta gainezka, dena ikaslez josia, bistan da azterketa garaian gaudela. Azterketa berdin presio itzela, hori zen nire ekuazioa duela 30 urte. Ez dugu asko aurreratu, bai orduan bai orain, eskolak jarraitzen du pentsatzen hori dela gure seme-alabek zenbat dakiten neurtzeko modurik onena, haien jakintza paper txuri bat eta ordubeteko jardunean sartuko balitz moduan. Eta txarrena, neurgailu hori giltza bilakatzen da hainbat unetan, aurrera segitzeko edo atzean geratzeko. LOMCEko errebalidekin egoera are eta gogorragoa bilakatzen da. Eta gaiaren harira apunteak atera dira plazako berriketan: nik aipatu dut unibertsitatean txukunen hartzen zituzten ikaskideen apunteetatik ikasten nuela sarri, hori larru-sendoa izatea dela dio ondokoak, eta hirugarrenak ezetz, eskuzabaltasuna dela. Laugarrenak dio eskuzabala izatea moduko plazer gutxi dagoela. Eta neure baitan murgildu naiz, pentsatuz Tere eta Beari ez niela behar beste eskertu euren eskuzabaltasuna: mila esker Tere eta Bea! Mila esker eskoletako Tere eta Bea guztiei, zuei esker azterketen traba gainditu eta jende askok aurrera egiten duelako.
Artikulu hau Euskalerria Irratiak argitaratu du eta duen CC by-sa lizentzia baliatuta ekarri dugu ARGIAra
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Umea gelan eranzten utzi, eta ni lau minutuan jantzi naiz, bi pasa behar izan ditudalako pulamentuzko kulerorik ez dudala ohartzeko, eta souvenir moduan gordeta nituen norbaiten kaltzontziloak janzteko. Nik bakarrik jakingo dut galtzen azpian Spiderman daramadala. Hogeita bost... [+]
Oso gogoko dut zientzia fikzioa, genero honetan istorioak oso modu aldrebesean kontatuak izaten badira ere. Fikzioa erabiliz, dugun errealitate konplexua azaltzeko edota eraldatzeko modu berriak lantzen dira. Ocativa E. Butler zientzia fikziozko idazleak, elkarrizketa batean,... [+]
Azkeneko hamarkadan Frantziak, Erresuma Batuak eta AEBek Siria inbaditu zuten nazioarteko legedia hautsita. 2024an oraindik Washingtonek Siria okupatzeko dozena bat base militar inguru ditu eta herrialdearen petrolioaren zati handia lapurtzen du. Israelek Siriako eta Palestinako... [+]
Ez dakit zure herrira helduko den Hamaika diziplina anitzeko proiektu artistikoaren erakusketa.
Artelanekin batera, hamaika lekukotasun. Bertan denetarik dago: beldurra, mina, amorrua, esperantza, etsipena, indarra... Maitasunez idatzitako testigantzak. Garondoan mehatxuaren... [+]