Nafarroako Parlamentuko presidente Alberto Catalanek SOS Arrazakeriako kide bat kanporatu du. Kaleratutakoa Oinarrizko Errentaren Aldeko taldeko kide ere bada, eta eragile horretako lagun guztiei jarri zien azaroan Parlamentura sartzeko betoa.
Etorkinak Osasunbidean baztertzearen inguruko lan-saioa zeukan SOS Arrazakeriako bozeramaile Beatriz Villahizánek hainbat parlamentarirekin batera. Aretoko ateak itxi zizkioten baina, aurretik kaleratua izan zela argudiatuta.
“Errespetu falta” da gertatukoa SOS Arrazakeriaren ustetan. “Adierazpen askatasunaren kontra egin, eta instituzio publikoetan parte hartzeko eskubidea urratzen du”, salatu du ohar baten bitartez.
Kanporatua protesta baketsua egiteagatik
Iragan azaroan ekintza baketsua burutu zuen Oinarrizko Errentaren Aldeko taldeak, Nafarroako Parlamentuak errentaren inguruko legea aldatu izana salatu asmoz. Orduan 500 euroko billete faltsuak bota zituzten, era sinbolikoan adierazteko Nafarroako Gobernuak dirua izan baduela, baina baliabiderik ez dutenei ez diela lagundu nahi.
Bertan izan zen Villahizán, eta geroztik ukatu diote Ganbaran egotea.
Contigo-Zurekin taldeak proposatutako ebazpena onartu du Nafarroako Parlamentuak, EH Bildu eta Geroa Bairen aldeko bozkekin. Israelek Gazan duen jarrera genozida salatu eta neurriak hartzeko eskatu dio Parlamentuak Nazioarteko Olinpiar Batzordeari.
Foru Hobekuntzaren erreforma adostu dute Nafarroako eta Espainiako gobernuek, Trafikoa foru exekutiboaren eskuduntza historiko eta esklusiboa dela blindatzeko.
Eskuin muturreko taldeek eta funtzionario publikoek eragindako motibazio politikoko ekintzen biktimen lehen hamabi aitorpenak egin ditu Nafarroako Gobernuak. Beste hirurogei espediente aztertzen ari da.
Asteazkeneko gobernu bileran hartu zen erabakia eta horren ondorioz, Espainiako Gobernuko Trantsizio Ekologikorako Ministerioak Forestalia konpainiari emandako baimenen aurkako helegitea jarriko du foru gobernuak.