Protesta artean bildu ziren AHTren aldeko agintariak atzo Baionan
Eusko Jaurlaritza, Akitaniako Kontseilua, Kontseilu Nagusia, EAEko eta Akitaniako industria ganberak, enpresaburu ugari... Baionako Merkataritza eta Industria Ganberak AHTren aldeko hamaika agintari bildu zituen atzo. Bien bitartean, AHTren aurkako manifestazioa egin zuten 250 lagun inguruk.
AHTren aldeko agintarien adierazpenak
Alain Rousset, Akitaniako presidentea: "Sortutako ziurtasun faltaren kontra, indarrak bildu eta inoiz baino indar handiagoarekin erakutsi nahi izan dugu. Erabat mobilizaturik gaude AHTa bururaino eramateko. (...) Ezin da onartu ministro batzuek zalantzan jartzea estatuaren erabaki estrategiko bat".
Andre Garreta, Baionako Merkataritza eta Industria Ganberako (MIG) presidentea: "AHTari esker kamioi guttiago ukanen ditugu errepideetan. A63an adibidez, 10.000 kamioi pasatzen dira egunero eta merkantzien garraioa etengabe emendatuz doa. Trenak errepideetako garraioak baino 13 aldiz CO2 guttiago botatzen du. AHTa garraio baliabide ekologikoena dugu".
Laurent Courbet, Akitaniako MIGeko presidentea: "Hemen gira mundu ekonomikoari bozaren emaiteko beste batzuek kanpoan manifestatuz progresua errefusatzen duten bitartean. Ezin dugu irudikatu Bordelen gelditzen den Abiadura Handiko Trena".
Gregorio Rojo, EAEko Euskal Ganberetako presidentea: "Euskal Autonomia Erkidegoa eta Akitania Europan kokatzeko elementu egituratzailea da".
Bilboko Guggenheim: "Museoan milioi bat bisitari ditugu urtean. Bisitarien %60a atzerritik dator eta gaur egun baliabide hoberena Loiuko aireportua da. AHTak hurbiltasuna ekarriko duela uste dugu".
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Muru Artederreta herrian, Murugain izeneko muinoan, Burdin Aroko herrixka baten horma agerian geratu da, AHTren lanentzako laginak hartzen ari zirela. Bizilagunen hango elkarteak salatu du trenarentzako tunel baten ahoa eraikitzeak harresiaren zati bat suntsituko lukeela.
Abiadura Handiko Trenaren inguruan mintzatu dira zenbait ekintzaile asteazkenean Iruñeko Zabaldin osatu duten hitzaldian. Italiako Val Susa bailarako adibidea bertatik bertara ezagutzeko aukera ere izan dute han sortutako mugimenduaren ordezkari bat etorri delako... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]