Erraustegiaren "izaera sinbolikoa" eta kaleko eztabaida agerian utzi ditu Olanok lanen hasieran

  • Maiatzaren 10ean aurkeztu dute Donostiako erraustegia eraikitzeko lanen fasea eta proiektua Asensio Ingurumen Diputatuak, Markel Olano Ahaldun Nagusiak eta Urbaserreko ordezkari Carlos Abiliok. Errausketaren Aurkako Mugimenduak deituta herritarrek kontzentrazioa egin dute erraustegi-lanetarako bidearen ertzean.

Estitxu Eizagirre @eeizagirre
2017ko maiatzaren 10a
"Gipuzkoa ez da eztabaida etengabeen lurraldea izango", adierazi du Olanok. (Argazkia: Dani Blanco).

Olanoren diskurtsoan agerian geratu da Gipuzkoan erraustegi proiektuak eragiten duen eztabaida, "kalearen eskaerei" erantzutera bideratu baitu hitzartzea. Abiliok azaldu du 81.000 tona errefus "beste instalazioetatik" ekarriko dutela (erretzea aurreikusten dutenaren herena). Legegintzaldia amaitzerako "lanak bukatuta eta martxan" egongo dela azpimarratu dute. "Gau eta egun ari beharra dago hemen lanean, total, hemen ez dugu inor molestatzen" entzun dugu kasko zuria jantzitako kargu bat besteari esaten, argazkiak ateratzeko egin duten paseotxoan.

Olano: "Kaleak eskatzen digu berme guztiekin egitea"

Bideoan ikus daiteke osorik Markel Olanok euskaraz egin duen hitzartzea. Gipuzkoak "eztabaida amaiezinen lurraldea" izateari utziko diola azpimarratu du, politikara gauzak eraldatzeko sartzen dela bat, hitz eman zutela erraustegia egingo zutela eta hitza beteko dutela. "Kaleak eskatzen digu ingurumen baldintza onenekin egitea" hitzekin ekarri du erraustegiak dakarren protesten oihartzuna, eta egingo duten erraustegiak eskaera horiei erantzungo diela esan du. Gaztelerazko hitzartzean esan du erraustegi proiektuak "izaera sinbolikoa" duela Gipuzkoan eta hitzeman du "oso gardenak" izango direla errauste plantari dagokion alor denetan eta erraustegi hau mundu mailako erreferentzia izango dela iragarri du.

 

 

81.000 tona "beste instalazioetako errefusa" izango da

Abiliok eman ditu eraikuntza epeen eta hondakinek jasoko duten prozesuari buruzko xehetasunak. Epeei dagokienez, hurrengo hilabeteetan lur mugimenduak egitea eta urrian zimenduak jartzeari ekitea aurreikusten dute. 2019an bukatzea hitzeman dute. Aurkeztu duen ikus-entzunezko txostenak 31 hilabeteko lanak azaldu ditu astez aste.

Hondakinen prozesu orokorra aurkezterakoan, datu hauek eman ditu: Erraustegiak 200.000 tona erretzeko gaitasuna izango du. Gipuzkoako errefusen 163.000 tonari lehenik tratamendu mekanikoaren bidez 12.500 tona hondakin birziklagarri kenduko zaizkio, ondoren bio-lehorketaren bidez 37.500 tona baporatuko dira eta labean erreko dira 113.000 tona errefus. "Beste instalazio" batzuetatik 81.000 tona errefus ekarriko direla erretzera zehaztu du. Errausketaren ondoren, batetik, 6.500 tona errauts eta bestetik 45.000 tona zepa sortuko dira. Asensio diputatuak goizean Euskadi Irratian adierazi du errautsak obra publikoetan zabalduko direla. Eguerdiko aurkezpenean, Abiliok iragarri du zepak "tunelaz bestaldera" egingo duten "zepen balorizazio plantan" tratatuko dituztela. Ondoren nora joango diren ez du inork aipatu. Urtean 160.000 megawatt-ordu sortuko dituela iragarri dute.

Hondemakina batekin irudikatu nahi izan dute lanen hasiera. Ez dugu beste langilerik ez makinariarik ikusi. (Arg: Dani Blanco)

Aurkezpeneko Abilioren azalpen asko ingurumenerako hartuko dituzten babes neurriei buruzkoak izan dira. Egungo legedia, legedi horrekin konparatuta pleguek eskatu dituzten baldintzak (parametro erdietan zorrotzagoak legedia baino), eta pleguetako baldintzek markatutako emisioak baino askoz murritzagoak bermatzen dituztela adierazten duen grafikoa erakutsi dute.

Erabili duten diseinuan, azpimarratu dute erraustegiak "malgutasun handiena" izango duela hondakin kopuru eta mota oso ezberdinei erantzuteko.

Eraikiko duen enpresa eta honek azpikontratatutakoak

Erraustegia eraiki eta kudeatuko duten enpresa sareen organigrama erakutsi du Abiliok: Ekondakin S.A. izango da erraustegia egin eta kudeatuko duena. Ekondakin osatzen duten enpresak hauek dira: Urbaser, Meridiam, LKS Mondragon, Altuna y Uria, Moyua eta Murias.

Ekondakin S.A.k, erraustegia eraikitzeko lanak Zubieta Aldi Baterako Enpresa Elkarteari azpikontratatuko dizkio. Eraikuntzan Steinmuller Babcok enpresa alemaniarrak izango duen parte-hartzea nabarmendu dute.

Kudeaketa, berriz, Ekobal Aldi Baterako Enpresa Elkarteari azpikontratatuko dio.

 

Maiatzaren 27an Errausketaren Aurkako Eguna

Inaugurazio ekitaldia salatzeko, Errausketaren Aurkako Mugimenduak kontzentrazioa egin du goizean. Maiatzaren 27rako, Errausketaren Aurkako Eguna deitu dute Zubietan.

Protesta egin dute Erraustegiaren Aurkako Mugimenduak deituta. (Arg: D. Blanco)

 


Gipuzkoako erraustegia kanaletik interesatuko zaizu...
2017-05-21 | Estitxu Eizagirre
Erraustegiaren "izaera sinbolikoa" eta kaleko eztabaida agerian utzi ditu Olanok lanen hasieran

Maiatzaren 10ean aurkeztu dute Donostiako erraustegia eraikitzeko lanen fasea eta proiektua Asensio Ingurumen Diputatuak, Markel Olano Ahaldun Nagusiak eta Urbaserreko ordezkari Carlos Abiliok.


2017-05-19 | ARGIA
Martxa nazionala deitu du erraustegiaren eta makro-kartzelaren aurka Gipuzkoa Zutikek M27rako

“Zakilkeria gelditu! Proiektu usteletan xahutzeko murrizketa sozialik ez!” izenburupean, maiatzaren 27 larunbaterako martxa nazionala deitu du Gipuzkoa Zutik-ek, erraustegiaren eta alboan egin asmo duten makro-kartzelaren aurka. “Ingurumen zentrora bisita gidatua (dohainik)“, diote kartelean. Egun horretarako Erraustegiaren Aurkako Mugimenduak deitua dauka Errausketaren Aurkako Eguna Zubietan. Bi hitzordu gehitu dituzte GZko kideek, biak ere 12:00etan: “Jar... [+]


'Erraustegiaren aurkako eguna' eta 'Barraskilo operazioa' iragarri dituzte datorren asterako

Errausketaren Aurkako Mugimenduak iragarri ditu bi ekinta berri. 25ean, “Barraskilo Operazioa”, auto karabana Donostiako Belartza auzoko (Decathlon) aparkalekutik 18:00etan abiatuta eskualdea zeharkatzeko. Maiatzaren 27an, larunbata, “Erraustegiaren Aurkako Eguna” Zubietan.


Markel Olanori erraustegia gelditzeko eskatu diote 'Euskara 4.0' bileraren atarian

Euskara bidegurutzetik aurrera, euskara 4.0” jardunaldiaren aurretik, Gipuzkoako agintariak zain zeuzkan Zubieta, Usurbil eta Hernaniko dozena bat herritar, “Gelditu erraustegi kriminal hau” esan eta herritarrei mobilizatzen segi dezaten eskatzeko.


Erraustegiak kalte konponezinak eragin ditzakeela salatu du Podemosek

Hondakinen kudeaketaren inguruan “inposizioak alde batera utzi” eta akordioak bilatu ditzan eskatu dio Podemosek Gipuzkoako Foru Aldundiari. Erraustegiaren obrak gizartearen sektore handi baten babesik gabe hasi dituztela salatu du.


EH Bildu: "Herritarren etorkizuna datozen 35 urteetarako hipotekatuko du Aldundiak"

Zubietako erraustegiaren obren hasiera gipuzkoarrentzat “oso albiste txarra” dela esan du EH Bilduk. EAJren eta PSEren “beste inposaketa bat” dela adierazi du Iban Asenjo batzarkideak.


2017-05-10 | Dani Blanco
ARGAZKIAK: Protesta artean ekin diete ofizialki erraustegiaren lanei

Errausketaren Aurkako Mugimenduak deituta herritarrek kontzentrazioa egin dute erraustegi-lanetarako bidearen ertzean. Maiatzaren 10ean aurkeztu dute Donostiako erraustegia eraikitzeko lanen fasea eta proiektua Asensio Ingurumen Diputatuak, Markel Olano Ahaldun Nagusiak eta Urbaserreko ordezkari Carlos Abiliok.


"Erraustegia geldituko dugu eta honekin zuen inperioa hankaz gora jartzeko lehen pieza botako dugu"

Ernai antolakundeak oharra atera du Zubietako erraustegiaren eraikuntzaren kontra EAJren egoitzan egindako ekintzaren harira. “Erraustegia geldituko dugu” eta “Mafiosoak, zuenak egin du. Zaborra zarete!” pintaketak egin zituzten, eta zaborra bota zuten egoitzaren atarian astelehenean.


2017-05-09 | Unai Brea
Zubietako erraustegiaren finantziazioa kolokan jartzen saiatuko da GuraSOS

Bere hurrengo urratsen berri eman du GuraSOSek, Gipuzkoako erraustegiaren lanak hasiko diren egunaren bezperan. Orain arte jorratutako ildo juridikoarekin jarraitzeaz gain, iragarri dute proiektuaren finantziazioari trabak ipintzen eta hondakinen kudeaketarako gizarte akordio zabal bat sustatzen saiatuko direla.


Erraustegiaren aurkako protestak egin dituzte, obrak hasi behar ziren egunean

Zubietako Erraustegiaren aurkako protestak dituzte Gipuzkoako hogei herri baino gehiagotan. Ernaiko kideek zaborra jaurti dute EAJren Gipuzkoa Buru Batzarraren egoitzaren sarreran eta margoketak egin dituzte. Astelehenean hastekoak ziren erraustegiaren lanak, baina oraindik geldirik daude.


Azkenak
EGILEA
Eguneraketa berriak daude