"Prekarietatearen museoa" zabalduko dute Bilboko Arte Ederretako grebalariek
Hilabete daramate greban Bilboko Arte Ederren Museoak azpikontratatuta daukan Manpower Group enpresako langileek, bizi duten egoera prekarioa salatzeko eta lan-baldintza duinak eskatzeko. Ekainaren 7tik greba mugagabean daude eta geroztik Arte Ederren Museoa itxita dago. Ekainaren 16rako eta 17rako “Prekarietatearen museoa” antolatu dute, Hau bai Hiperrealismoa lelopean.
Ostegun goizetik irekita egongo da “Prekarietatearen museoa”, Bilboko Arte Ederren Museoaren aurrean. ELA eta LAB sindikatuen babesarekin, Manpower Group enpresako langileek antolatu dute, grebarako ekintza gisa. Eskultura bizidunak egongo dira museo berezi horretan eta ekainaren 16an Arte Ederren Museoan Hiperrealismoaren inguruko erakusketa zabaldu dutelako aukeratu dute eguna. Euren egoera salatu nahi dute, metafora modura. Antolatzaileak “Eusko jaurlaritza, Bizkaiko Foru Aldundia, Bilboko udala eta Manpower” dira.
34 dira Bilboko Arte Ederren Museoak azpikontratatuta daukan Manpower Group Solutions enpresarentzako lana egiten duten langileak: hezitzaileak, takila beharginak, areto zaintzaileak eta denda zein harrera langileak dira. Duela hilabete inguru iragarri zuten greba, daukaten lan-hitzarmenaren baldintza prekarioak salatzeko. 900 euroko soldatara ez dira iristen, ez dute subrogazioa bermatuta eta astelehenetik igandera egiten dute lan, langile batek salbu gainontzekoek lanaldi murriztua baitute ezarrita.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]