Pasaiako portuko ustelkeria kasua: urtebete ondoriorik gabe

  • Macarena Olona estatuko abokatuak eta portuko aholkulariak iazko apirilean salatu zuen fiskaltzaren aurrean Pasaiako portuko lonjaren eraikuntzan balizko ustelkeria kasua. Espainiako Estatu mailan indarrean daude ere beste hamar portutako ustelkeria kasuen ikerketak.

Lukas Barandiaran San Roman
2017ko martxoaren 20a
Pasaiako portua.

4,9 milioi euroko desbideratzea zegoela sumatu zuen. 2011n hasi ziren lonja eraikitzen, eta hasiera batean obrek 26 hilabete iraun behar bazuten ere, oraindik ez daude amaituta. Bitarte horretan %32ko gain-kostuak adierazi dituzte eraikitzaileek.

Jada 2012an Idom ingeniaritza enpresak ohartarazi zuen “etengabeko” aldaketak zeudela aurrekontuetan, denak gorantz. Olonak esan du ikerketak ebatzi behar duela ea gorakada horiek enpresa eraikitzaileak eta portuko pertsonalak aberasteko egindako azpijokoen ondorio diren. Iaz portuko administrazio kontseiluan zenbait barne salaketa egin eta soilik LABen babesa jaso zuen Olonak, eta fiskalari helarazi zion kasua.

Mercedes Bautista fiskalak salaketa jarri zuen epaitegietan eta Guardia Zibilak ikerketa abiarazi zuen. Momentuz ikerketen jo puntuan daude Portuko zuzendari ohi Gregorio Irigoyen, obretako buru David Candelario eta enpresa eraikitzaileak —FCC eta Lurgoien— . Portuko autoritatearen zuzendari Ricardo Peñaren jarduna ere aztertzeko asmoa adierazi dute ikerketan. Aldi berean, Espainiako Kontuen Auzitegiak ere aztertu du kasua.

Etorkizun argirik ez

Azken hilabeteetan polemika sortu da obren kontu-ikuskaritzaren harira. Jarduera hori egiteko arloko hiru “handirengana” jotzea aholkatu zuen Olonak, baina Peñak hemengo enpresa bati eman zion lana, Ingeniería Salaberriari. Esleipen hori nahieran egindako erabaki pertsonala dela adierazi diote Eldiario.es medioari. Espainiako Estatuak, berriz, Intemac enpresari esleitu dio kontu-ikuskaritza paraleloa; Bartzelonako portuko ustelkeria kasu batean nahasita dago enpresa hori.

Barne iturriek kezka adierazi diote medioari, enpresa horrek egindako kontu-ikuskaritzak gertakariei garrantzia kenduko diotela sumatzen dute.

Kasuak ez du etorkizun argirik. Bertako fiskaltzak eta estatuaren abokatuak kasua zuzenbide penaletik salatu duten bitartean, estatu mailako beren kideek artxibatzea eskatu dute Kontuen Auzitegian, martxan dituen beste hamar ustelkeria kasuren testuinguruan.

Kanal hauetan artxibatua: Ustelkeria  |  Pasaiako portua

Ustelkeria kanaletik interesatuko zaizu...
2018-05-22 | Arabako Alea
FCC auzian lege-iruzurra egitea leporatu dio EH Bilduk Urtarani

Orain zabaldutako txosten juridiko batek dio hiriak FCC enpresarekin duen hitzarmena bertan behera uzteko arrazoi nahikorik ez dagoela.


De Miguel auzia: kopiatzeko lezioak Euskal Herritik

Cristina Cifuentes Madrilgo Autonomia Erkidegoko presidentearen curriculumak bereganatu du medioen atentzioa, nola Espainiako Estatuan hala Hego Euskal Herrian. Baina ez dugu iberiar mesetara joan behar administrazio publikoa zipriztintzen duten sinadura faltsuak eta azken orduan “fabrikatutako” dokumentuak aurkitzeko. Hemen bertan, Ebroren alde honetan, egunotan ikusi dugu hori De Miguel auziaren epaiketan.


'Negozioen sekretuak' babesteko aitzakiaz, alerta jotzaileak mututu

Herritarren oharkabean dator lege berria. 2016an Europako Parlamentuak gehiengo handiz onartu ostean, Frantziak bere legedira egokitu du martxoaren 28an eta laster eginen du gauza bera Espainiak. Enpresen sekretuak konkurrentziaren espioitzaren begiradatik babesteko idatzi dutela diote legegileek, baina herritarrak ohartarazten dituzten alerta jotzaileen lana isilaraztea du helburu kazetari eta ekintzaile askoren ustez. Lobbyek isilpean egin dute azioa orain ere.


2018-04-13 | ARGIA
Erlijiosoek ere Munillaren aurka egin dute

Gipuzkoako elizbarrutiko elizgizon, jarraitzaile eta erlijioso talde batek jakinarazi du Apezpikutzak zor handiak dituela Jose Ignacio Munillaren gotzainaren gestio okerraren ondorioz.


2018-04-13 | Unai O˝ederra
Iruzurra salatzen duena zigortu?

El Correoko zuzendari ordea den Alberto Ayalaren bi artikulu hauetan oinarrituta: Perplejidades varias eta El paraguas laboral del PNV.


2018-04-12 | ARGIA
Intxaurrandieta eta Errazkini elkartasuna adierazi diete sarean eta kalean

2013an Gipuzkoako erraustegia gelditu zuten Iñaki Errazkin eta Ainhoa Intxaurrandietaren aurkako epaiketa zeresana ematen ari da sareetan. #DenokGaraAinhoaEtaIñaki traolak mugimendu handia dauka.


2018-04-09 | Lander Arbelaitz
Zer gertatzen da Errazkin eta Intxaurrandietaren epaiketarekin?

Ostegunean epaituko dituzte Madrilgo Kontu Epaitegian 2013an Gipuzkoako erraustegi gaindimentsionatua geratu zuten Iñaki Errazkin eta Ainhoa Intxaurrandieta. Lehena Ingurumen diputatua zen eta bigarrena Gipuzkoako Hondakinen Kontsortzioko burua, biak EH Bilduko kideak.


2018-04-05 | ARGIA
Falciani aske utzi du Espainiako Justiziak, zaintzapean

Espainiako Auzitegi Nazionaleko Diego de Egea epaileak libre utzi du Herve Falciani, poliziak Madrilen atxilotu eta hurrengo egunean.


2018-04-05 | Miren Osa Galdona
Falcianiren atxiloketa, politikari katalanak estraditatzeko presio neurria?

Asko izan dira atxiloketa Kataluniako egoerarekin lotu dutenak, Anna Gabrielen eta Marta Roviraren estradizioetan presio egin nahi duelakoan.


Semeari diru publikoz ordaindutako bidaia bateko dirua bueltatu du Gernikako Udaleko zinegotzi batek

Iñaki Gorroño Gernikako Udaleko zinegotziak bidaia bat egin zuen Cracoviara bere semeak lagunduta, eta semearen bidaia diru publikoz ordaindu zuen. Gaiak polemika sortu du herrian, eta EH Bilduk bere dimisioa eskatu zuen. Hala, Gorroñok 879 euro itzuli ditu udalbatzara, bidai-txartelaren zenbatekoa, El Correok jaso duenez.


Azkenak
EGILEA
Eguneraketa berriak daude