Ostegunean egingo diote omenaldia Jabi Lauzurika "Apolo"-ri Bilbon
Ostegun honetan, uztailak 9, omenaldia egingo diote Jabi Lauzurika "Apolo"-ri, Bilboko Kafe Antzokian. Larunbatean hil zen Lauzurika, 58 urte zituela. 20:00etan hasiko da ekitaldia.
Euskalgintzan eta bertso munduan oso ezaguna zen Jabi Lauzurika, batez ere Bilbo aldean. Bertako Kafe Antzokiaren sorreran parte hartu zuen, hala nola lokala gestionatzen duen Zenbat Gara elkartearenean. Azken urteetan, Gabriel Aresti euskaltegian irakasle jarduteaz gain, Bilbo Hiria Irratiko esataria izan da, baita Potojorran bertso-eskolako kidea ere.
Bilbo Hiria Irratiko hainbat saiotan aritu izan da Lauzurika: Zeingou asteburuan?, Ibaizabal, eta bertsolaritzari buruzko Potto, berak sortutakoa. Halaber, Bilboko Ibaizabal web bidezko telebista proiektuaren sustatzaileetako bat izan zen 2008an.
Durangarra sortzez, aspalditik bizi zen Bilbon. Baxenafarreko Arrosara joaten zen sarri, eta hain zuzen han hil zen, ezustean, mendi buelta egiten ari zela.
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.
