Nafarroako Parlamentuak ez du onartu UPNk indarrean jarri nahi zuen “lan eskaintza prekarioen” proposamena, eta Minijob izenez ezagun diren lanaldiak oztopatuko dituen legea tramitatzen hasi da, Izquierda-Ezkerrak (I-E) proposatuta.
Administrazio publikoan lanaldi osoko kontratuak egitea eta genero indarkeriaren biktima izandako langile publikoen mugikortasuna onartzea izango dira lege berriak barnebiltzen dituen aldaketetako batzuk.
Marisa de Simon I-E alderdiko parlamentariaren esanetan, legearen helburua langile publikoen lan baldintzak “funtzionarioen baldintzen berdinak” izatea da “posible den kasu guztietan”.
Ekimena Bildu, Aralar, PSN, Geroa Bai eta Izquierda-Ezkerrak babestu dute, eta UPN eta PPN abstenitu egin dira.
Minijob-ak, Alemaniatik etorritako eredua
Minijob deiturikoak ordu gutxiko lanaldia duten eta oso gutxi ordaintzen diren lanpostuak dira.
Alemanian ezarri ziren lehen aldiz, 2003an. Ez dute Gizarte Segurantzako kuotarik ordaintzen eta lanorduei dagokienez, kopurua zehazten ez den arren, soldata 400 euro baino gutxiagokoa izan ohi da.
Gaur egun Alemanian milioika herritarrek dihardute Minijob postuetan lanean, eta 2008an herrialdean hasitako krisialdi ekonomikoari aurre egiteko “neurri arrakastatsutzat” jo izan dute zenbait ekonomilarik eta Angela Merkelen gobernuak.
Sindikatu eta alderdi ezkertiarrak berriz, “esklabutzatik hurbil dagoen lanaldi prekarioa” dela azpimarratzen dute, eta ez “langabezia tasa altuarekin amaitzeko modu bat”.
Maiatzaren 11n egin dira mobilizazioak eta Euskal Herriko Eskubide Sozialen Kartak, Emakumeen Mundu Martxak eta Gune Ekosozialistak antolatu dituzte. 60 eragile sozial baino gehiagok bat egin dute mobilizazioekin.
Estresa, nekea, antsietatea eta beste dira sisifemiak eragiten dituen zenbait ondorio. Esanahiaz, jatorriaz eta prebentzio neurriez mintzatu da Ziortza Karranza psikologoa.
Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Langilea larri zauritu zen apirilaren 24an, eta astelehenean, hilak 29, hil da. 22 urte zituen eta sektorean bi hilabete soilik zeramatzan lanean. 2024 urtean hildako 22. langilea da.