Martxan da Dantzerti, arte dramatiko eta dantza goi mailako EAEko eskola
Eskolak lehentxeago hasita zeuden arren, asteazkenean egin zuten Dantzerti Arte Dramatiko eta Dantza Goi Mailako Eskolaren irekiera ekitaldi ofiziala. Antzerkiaren eta dantzaren sektoreko aspaldiko aldarrikapena bete da azkenik; hala ere, eskola irekitzeak ez ditu erabat asebete urteetako nahiak. Goi mailako eskola izatea orobat aurrerapausotzat jo arren, kritika ugari jaso ditu proiektuak.
Dantzertiri leporatzen zaizkion gabeziak ondo bildu zituen Nagore Ares Amaya kazetariak Berrian argitaratutako Lehen dantza, gaizki eta presaka erreportajean. Eskolaren kokapena da horietako bat. Lehenik eta behin, berezko egoitzarik ez izatea kritikatu dute askok; gogoan izan behar da Bilboko Juan Crisóstomo de Arriaga musika kontserbatorioaren eraikin berean kokatu dela Dantzerti.
Bilbo eta ez beste hiri bat aukeratzea ere okertzat jo dute sektoreko zenbait ahots esanguratsuk, Oier Araolaza dantza tradizionalean adituak esaterako. Bide batez esateko, dantza tradizionala Dantzertiren curriculumetik kanpo geratu da, eta hori ere ez dute ondo hartu arlo horretan dabiltzanek.
Eskola sortzeko prozesuan parte hartzerako ateak behar bezala ireki ez izana leporatu diote Eusko Jaurlaritzari, halaber, urtetan goi mailako zentro bat egon zedin borrokan aritu diren profesionalek. Eta irakasleak hautatzeko prozedurarekin ere desadostasunak izan dira.
Asteazkeneko irekiera ekitaldian, kritika oldea ondo gogoan zuela seguruenik, “sektoreko profesionalak kontuan hartuta” lan egingo dutela nabarmendu zuen Dantzertiko zuzendari Ekaitz Gonzalezek. “Fin-fin lan egingo dugu, ez dakiguna dakienari galdetuaz eta akatsetatik ikasiaz”, gehitu zuen Gonzalezek, dantzan.eus webgunean argitaratutako kronikan irakur daitekeenez.
Abiapuntuko herrenak gainditzeko arnasa apur bat eskatzen du Dantzertik, eta badirudi arte dramatikoaren euskal sektoreak, kritikak kritika, konfiantza emateko prest dagoela.
Putaren bakarrizketa eroetxean
- Egileak: Franca Rame eta Dario Fo.
- Itzultzailea: Xabi Martinez De Lezea.
- Aktorea: Laura Penagos.
- Noiz: apirilaren 12an.
- Non: Zizurkilgo Atxulondo Kultur... [+]
Ia hiru hamarkada daramatza Aiora Zulaika lasarte-oriarrak Pirritx pailazoa gorpuzten, eta haurrei eta familiei irri egiteko espazio goxo bat eskaintzen, errebeldiaz eta asmo eraldatzailez. Pirritx, Porrotx eta Marimotots pailazoek “Maite zaitut” herri omenaldia jaso... [+]
Koiunturak alarma gorria piztu dio euskal antzerkigintzari, eta ez da izango zauririk ez duelako, baina hilzorian al dago? Fokuek zer argitu nahi duten eta zer ez, hori da gakoa. Butakaren noranzkoa, alegia. Oihala zabaldu da eta antolatzaileak eserlekuei begira daude. Lanari... [+]
Biteri Kultur Etxean egin dugu zita Pepi Arrospiderekin (Hernani, 1952). Izaskun Auzmendirekin (Arribe, 1964) agertu da, biak San Joan konpartsako kideak. Telefonoa. Auzmendirena da, hizketan hasi da, baina Arrospide adi-adi dago. Ia sartu da telefonora bera ere. Segituan... [+]
“Guk entseatu egiten genuen, mutilei erakusten genien, parrilarako laguntza behar zutenean hor egoten ginen, baina gero sekula ere ez genuen dantzatzen plazan, ezta burutik pasa ere”. Oihane Auzmendi Iturbe (Legazpia, 1977) Sustraiak dantza taldeko dantzaria da,... [+]
Iruñea ez da oso handia, baina Beñat Iturbek elkarrizketarako lekua hautatu duen arte ez dut jakin institutu berean ikasi genuela. Madril eta Iruñea artean bizi da, han hemen baino gehiago, oraingoz. Etxera egin duen bisita bat probestu dut harekin... [+]
Interview. Urez eta hondarrez
Egileak: Telmo Irureta eta Mireia Gabilondo.
Aktoreak: Telmo Irureta eta Dorleta Urretabizkaia.
Zuzendaria: Mireia Gabilondo.
Konpainia: Tentazioa.
Noiz: apirilaren 2an.
Non: Victoria Eugenia Klub Aretoan,... [+]
Aitzindariak elkartea Aitzina Biga ikuskizuna prestatzen ari da. Ehun parte-hartzailetik gora izango dira dantzan, musikan, antzerkian, kantuan eta bertsotan apirilaren 19an Maulen aurkeztuko den ikuskizunean. Uztaila bitarte, beste lau emanaldi izango dira: Miarritze, Arrasate,... [+]