Lea-Artibaiko zenbait udalek eskatu dute Ibon Iparragirre presoa Euskal Herriratzea
Mozioak onartzen ari dira Lea Artibai eskualdeko udaletan Ibon Iparragirre larri gaixo dagoen presoa Euskal Herriratzea eskatzeko. Konfiantzazko mediku batek bere osasun egoera ikus dezala ere eskatu dute, eta zinegotziren batek presoa bisitatu nahiko balu, udalek konpromisoa hartu dute beharrezko tramiteak egiteko. Eskaera hauek guztiak biltzen dituen eskutitza bidaliko diote Espetxe Zuzendaritzako arduradunari.
Oraingoz Ondarroan, Lekeition, Berriatuan, Etxebarrian, Ziortza-Bolibarren eta Mendexan onartu dute mozioa, eta espero da ondorengo egunetan eskualdeko beste herrietan onartzea, Naizen irakur daitekeenez.
Ibon Iparragirre larri gaixo dagoen presoa da. HIESA du, eta gaixotasunak burmuinean orban bat sortu dio. Nerbio optikoa kaltetuta dauka, eta ondorioz, ikusmena galtzen ari da. Gainera, atake epileptikoak jasaten ditu.
Duela bi hilabete Lea Artibaiko udal guztiek kezka adierazi zuten Ibon Iparragirreren egoera larria dela-eta. Egun horietan Zaballako kartzelara ekarri zuten epaiketa bat egiteko, eta eskatu zuten espetxe horretan mantentzea, konfiantzazko mediku batek jarraipen egokia egiteko. Alcala-Meco (Madril) kartzelara urrundu zuten ordea, eta uko egin diote bere egoeraren diagnostiko eguneratua egiteari, mozioan salatu dutenez.
Euskal preso politikoa ostiralean hil zen minbizi baten ondorioz, 30 urteko espetxealdiaren ostean kaleratu eta 10 hilabetera. Troitiñoren kasua euskal presoei aplikatzen zaien salbuespen politikaren adierazle dela salatu dute bi elkarteek. Mobilizazioak antolatu dituzte... [+]
Eritasun "larri eta sendaezin" bat duela, baldintzapean atera da kalera otsailaren 5 goiz honetan. Orotara, 30 urtez gora pasa behar izan ditu kartzelan.
61 urteko preso lekeitiarrak maiatzaren 13an buruko isuria izan zuela argitaratu du Etxeratek. Orain Puerto-I kartzelako (Cadiz, Andaluzia) erizaindegian dagoela eta asteburuan familiaren bisita izan duela gehitu du.
Dispertsio politika bukatzeko eta larriki gaixorik dauden presoak askatzeko eskatu diete Espainiako Estatuko eta Europako Parlamentuko presidenteei.
Sareko kideek presoen egoera aldatuko den "itxaropena" erakutsi dute: "Hala behar luke, behinik behin. Orain da unea; izan ere, orain ez bada, noiz?"