Jai ereduari buruzko hausnarketa sustatuko du Zirikatzen! kolektiboak
Ikasturte berriarekin batera, Deustuko Zirikatzen! kolektiboak bere hurrengo proiektua jarri du martxan. "Oraingo honetan, jai ereduaren inguruko hausnarketa" mahaigaineratuko du.
Euskal Herriko hainbat txokotan "denbora luzez askoren ahotan dagoen gaia" da jai ereduarena, eta eztabaida horretan "gure harri koskorra" jarri nahi dute Zirikatzen! kolektiboko kideek.
Horretarako lau mahai-inguru antolatu dituzte urriaren 18, 20, 25 eta 27an. "Esposaketa labur batzuk egongo diren arren, ahalik eta eztabaida horizontal, zabal eta parte-hartzaileena" lortzea nahi dute.
Mahai-inguruetan, besteak beste, hizketagai izango dituzte drogak, musika, auzo/herrietako jaiak eta hiriburuetako jaiak.
Partaideen artean jaiak hurbiletik eta barrutik ezagutzen dituzten hainbat lagun daude, esaterako, musikariak eta jai batzordeetako ordezkariak.
Jardunaldi guztiak Deustuko Gazte Lokalean izango dira, 19:00etan hasita.
Albiste hau Bilboko Uriolak argitaratu du eta CC-by-sa lizentziari esker ekarri dugu ARGIAra
Egun handiaz gain, kultur egitarau zabala antolatu du Basaizea Elkarteak hilabete osorako.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
"Mugimendu Sozialista gure herriaren errealitate politiko eta sozialaren parte da, eta ideologia baztertzailerik ez duen beste edozein eragilek bezala, espazio zabaletan eta jai herrikoien antolaketan parte hartzeko eskubidea dauka", adierazi dute oharrean. Makina bat... [+]
Villabonako Berdura plaza bete dute herritarrek otsailaren 13 iluntzean, Tolosako inauterietan Ertzaintzak gazte bati begia larri zauritu ziola salatzeko. Bere aitak azaldu ditu begian dituen lesio larriak eta Ertzaintzaren jokabidearekiko haserrea plazaratu du: "Ez da... [+]
