Iruñerriko 10 gazte epaitegian Segiko kide izatea egotzita
Oihan Ataun, Gorka Sueskun, Mikel Flamarike, Iñaki Marin, Iker Araguas, Iker Aristu, Mikel Marin, Mikel Beunza, Diego Octavio Martikorena eta Ibai Azkona epaitzen ari dira Espainiako Auzitegi Nazionalean. Segiko kide izatea egotzitza hamar urteko espetxe zigorra eskatzen dute euren aurka.
Maiatzaren 4tik 12ra bitartean epaituko dituzte Iruñerriko hamar gazteak. 2008ko iraila eta azaro artean atxilotu zituzten Segiko kide izatea leporatuta. Inkomunikaziotik atera zirenean torturak salatu eta espetxeratu zituzten. Haietako batzuk hilabete gutxiren buruan fidantza altuak ordainduta aske geratu baziren ere, hiruk kartzelan jarraitzen dute oraindik.
Epaiketaren aurretik, Espainiako Auzitegi Nazionalaren atarian elkarretaratzea egin dute. Oihan Ataun, aste honetan epaituko duten hamar gazteetako batek inkomunikatuta zegoen bitartean jasandako torturak salatu eta epaiketa politikoen amaiera eskatu du. Sabino Cuadra Amaiurko diputatuak ildo beretik egin ditu adierazpenak Martxelo Diaz Garako kazetariak jaso duenez.
Larunbatean ehunka lagunek martxa zaratatsua egin zuten Iruñeko karriketan epaiketa politikoak eta “amaierarik ez duen jazarpenak sortarazten duten haserrea eta sumina” azaleratzeko: “Nafarroan dozenaka lagun daude euren jardun politikoagatik espetxeratuak izateko arriskuan. Asaldagarria da nola bere burua demokratikotzat duen erregimen honek jendea bere ideia eta independentziaren aldeko jardunagatik epaitzen eta espetxeratzen jarraitzen duen”.
Heldu den martxoaren 26an, Gorka Roca Torre epaituko dute Baionako auzitegian Unescoren izenean burutu bi ekintzetan esku hartu izanagatik. Seinaletika euskarriak ezabatzea, margotzea, kentzea... Euskal Konfederazioak bere jardueran lehenesten dituen ekintza motak ez badira ere,... [+]
Espainiako Auzitegi Gorenak bat egin du Tsunami Demokratikoa mugimendua ikertzen ari den Manuel García Castejón Auzitegi Nazionaleko epailearekin: ondo ikusten du Carles Puigdemont eta beste hamaika lagun ikertzea eta haien aurkako auzi penala irekitzea. Hemen... [+]
HerriBiltzako militantea den Gorka Torre konbokatu du martxoaren 26an Baionako auzitegiak UNESCOren izenean egindako margoketengatik.
Asteazken honetan deklaratu beharko du, eta elkarretaratzera deitu du GKSk: 11:30ean bilduko dira epaitegi aurrean. Iazko azaroaren 3an egindako protesta baten harira auzipetu dute gaztea; PSOEren egoitza aurrean mobilizatu ziren egun horretan, sionistak Palestinan egiten ari... [+]