Iparraldeko laborariak erne Gabadi, Domintxine eta Barkoxen zer gertatu zain

  • Joan den ostiralean, ehunka laborari eta kontsumitzaile bildu ziren –hainbat sindikalista eta hautetsiz gain– Gabadi, Domintxine eta Barkoxeko etxalde banaren atarietan, gobernuaren ordezkariei eragozteko bertako hegaztiak hiltzea hegazti gripea kontrolatzeko estakuruz. Administrazioak iritzia aldatu ez eta hiru baserrien arduradunak zigorrez mehatxatu dituenez, Iparraldeko baserritarrak alertan daude berriro aurre egitera azaltzeko.

Pello Zubiria Kamino @pellozubiria
2017ko apirilaren 18a
Laborariak eta jendarmeak aurrez aurre Barkoxeko "Uhartia" etxaldearen atarian joan den ostiralean. (Argazkia: ELB)

Gabadiko etxaldean oiloak hazten dituzte eta arrautzak komertzializatzea debekatu diete agintariek. Aldiz, Barkoxeko Uhartia-n eta Domintxineko Eihartzea-n ahateak hazten dituzte, azken horren jabe Jean-Michel Berho delarik erreferentzia ezagun bat lekuko arrazak modu iraunkorrean hazteko alternatibaz. Hain zuzen, baserritarrek saltzen dute gobernuak babestutako ahate etxalde industrialak direla gripea behin eta berriro hedatzearen errudunak, baina eritasunaren kontrolatzeko ezarritako neurriek justu baserri txiki eta jasangarriak kolpatzen dituztela.

Joan den asteburuan Iparralde osotik hurbildutako baserritarrek, lekuko auzapez eta beste hautetsik lagundurik, aurre egin zieten gobernuaren ordezkariei eta eragotzi zuten animaliak hiltzea. Baina, ELBk zabaldu duenez, “administrazioak laster ihardoki du hiru hazleak konbokatu baititu arratsalde apalean Pauen, ez aterabide baten negoziatzeko baizik eta erraiteko kabalerik ez dela gehiago izan behar hiru etxaldeetan aste hunen undarreko. Hazleek ez badute berek aterabide bat atxemaiten, administrazioa itzuliko da bazterren garbitzera!”.

Orduotan tentsio giroa nabari da baserritar txikien eta agintarien artean. ELBk horiei mezu garbia jakinarazi die: “Administrazioak auzibideak ideki nahi baditu, ehunka present izanen gira auzitegien aintzinean. Ekonomikoki hil nahi baditu hiru hazleak, isunak eta analisa gastu ezin jasanak inposatuz, jakin dezala elkartasunezko kutxak hasiak direla betetzen. Azken hiru asteetan bezala, aterabide negoziatua galdegiten dugu beren kabale sanoak atxik ditzazten hiru hazleek, zaintze egokiarerik irrisku sanitarioeri buruz”.

Kanal hauetan artxibatua: Laborantza  |  Nafarroa Beherea  |  Zuberoa

Laborantza kanaletik interesatuko zaizu...
Barkoxe, Gabadi eta Domintxineko etxaldeen aldeko diru bilketa

Beren hegaztiak hiltzeari uko egin zioten hiru baserritarrek lortu zuten ahate eta oiloak bizirik atxikitzea, Iparraldeko beste laborari, herritar eta hautetsien laguntzaz. Baina ordainetan, 20.000 euro kostako zaizkien analisi garestiak egitera behartu ditu administrazioak. Ordaindu ezin dituzten gastuok kitatzeko Iparraldeko nekazari txikiak dirua biltzen ari dira.


Mixel Bergouignanentzat txaloak eta txapela Baigorrin

Baigorriko eliza gainezka betea zen gorputza ateratzen hasi dutenean. Udaberriko iguzki zuria zelarik kanpoan, bapateko kazkabarra erauntsiaren idurikoa entzun ginuen kalostrapetik. Esku zartaka ari zen jendea eliza barnean, esku zartaka jarraiki dugu kalostrapekoek, eta esku zartaka hartu dute kanpoan zaudenek baita ere, eskerrez eta ohorez Mixel Bergouignan Makeako Baigorriarrari.


Agroekologia eta elikadura burujabetzaz ikastaroa antolatu dute Hegoa-EHUk eta EHNE-Bizkaiak

Baserrritik mundura: Gure Elikaduraren etorkizuna jokoan” darama izenburu, aurtengo urrian hasiko da eta 2018ko azaroa arte luzatuko 750 orduko ikastaroa osatuz. Kurtso zabal honekin antolatzaileek 30 pertsona trebatu nahi dituzte elikadura burujabetzan eta agroekologian, Hezkuntza Popularraren metodologien bitartez, nazioarteko La Via Campesinako formazio prozesuen ezaugarriei jarraituz.


Elikadura burujabetza modan dago, milioika nekazari ikusezinak ez

Nahasketa berezia osatzen zuten apirilaren 24tik 26ra Elikadura 21 biltzarrerako Gasteizko Europa zentrora mundu osotik etorritako baserritar, unibertsitario eta mugimendu sozialetako kideek. Aztergai zeuzkaten Elikaduraren etorkizuna eta nekazaritzaren erronkak XXI. menderako. Eztabaiden muinean, elikadura burujabetza: nekazari txikien Via Campesinak 1996an sorturik, XXI. mendeko krisitzarraren ostean eskuinak ere bereganatu nahiko lukeen kontzeptua.


2017-05-03 | ARGIA
Mixel Bergouignan baigorriarra hil da, abertzale konprometitua

Osasun arazo baten eraginez hil egin da Mixel Bergouignan baigorriarra, Kazeta.info-k jakinarazi duenez.


Ultzamako biometanizazio plantak ez zuen legea betetzen

Nafarroako Kontuen Ganberak Ultzamako Udalaren jokamoldea gaitzetsi egin du, legez kanpokoa izan delakoan. "Hiru milioi euroko diru-laguntza jaso ondoren, planta, abandonaturik dago", baieztatu du Ganberak.


Merkatuan saltzen diren tomateen %34 Monsanto eta Heinzen propietate dira

Egun erabiltzen diren hazi hibridoak multinazional espezializatuek soilik egin ditzakete, eta horien liderra Monsanto da. Merkatura zabaltzen dituena, berriz, Heinz multinazional boteretsua da. Bide beretik jarraituz gero, elikadura merkatu pribatuen eskuetan bukatuko duela ohartarazi dute.


Mikel Hiribarren: Iparraldeko etxaldeetako hegaztien borroka eta nekazaritza ereduen talka

Mikel Hiribarren laborari eta ELBko sindikalista izan zen hizlarietako bat Elikadura 21 biltzarraren lehen mahainguruan, zeinak titulutzat baitzeraman  "Kapitalismoa eta klasea: kapital, ondasun eta jendeen fluxuak nekazaritza, abeltzaintza eta arrantzan". Gaia maila teoriko eta makro batetik landu zuten mahaikiden ondoan, Hiribarrenek mikro mailatik abiatu eta Euskal Herriko nekazariek asteotan bizi duten gatazka oso lokal baten ezaugarriekin zehaztu zituen gaurko arazo... [+]


2017-04-26 | ARGIA
Gabadi, Domintxine eta Barkoxeko baserrietako ahate eta oiloak ez dituzte hilko

Zaintza sanitario pean ezarri dituzte Gabadi, Domintxine eta Barkoxeko oilo eta ahate sanoak  eta honenbestez hiltze agindua bazter utzi dute behin betiko, ELB sindikatuak jakinarazi duenez. "Sentsu ona garaile izan da azkenean".


Mixel Berhokoirigoinen galderak nekazaritza iraunkorraren geroaz... bideokonferentziaz luzatuak

Elikadura 21 biltzarra irekitzeko saio nagusian egotekoa zen Mixel Berhokoirigoin, Euskal Herrian elikadura burujabetzaz eta nekazaritza iraunkorraz interesatzen direnen erreferentzia nagusia. Ez zuen, ordea, Gasteizeraino hurbiltzerik izan, ETAren desarmatzeko mugimendu zibilean egindako lanaren ordainetan Parisko epaile batek Frantziatik irtetea eragotzi diolako. Berhokok bideoz eman zuen bere hitzaldia, Europa jauregian bildutakoek txalotu zutena eta ARGIAk transkribiturik hemen eskaintzen... [+]


Azkenak
EGILEA
Eguneraketa berriak daude