Ia aurrerapenik ez Bonneko klimaren negoziazioetan
Azken uneko ezustekorik ezean, amaitzear dagoen klima aldaketari buruzko Bonneko bilerak ez du aurrerapauso handirik ekarriko.
Mendebaldeko Alemaniako hiriburu ohian egin beharreko hiru saioetako bigarrena da bukatzear den hau. Ekainean egin zuten lehenengoa, eta hirugarrena urriaren 19tik 23rako iragarri du NBEk. Estatuetako ordezkariei azken aukera hori baino ez zaie geratuko, abenduan Parisen egingo den COP21 klimaren goi-bilerarako ahalik eta testurik osotuena prestatzeko.
Gogoan hartu behar da Parisko gailurretik aterako dela Kyotoko Protokoloa ordezkatuko duen klimari buruzko nazioarteko akordioa, haren epeak dagoeneko agortuak baitira.
COP21en eztabaidatuko den testua adostea da Bonneko bileren helburua. Ahalik eta gai gehienei buruzko adostasuna lortu nahi da aldez aurretik, gailurrak iraungo dituen bi asteak amaigabeko negoziazioetan ez galtzeko. Alabaina, orain arte lortu dena hutsaren hurrengotzat jo dute behatzaile ugarik, baita negoziazioetan parte hartzen ari diren herrialde askotako ordezkariek ere.
Beroketa bi gradutik gorakoa ez izatea xede
Talde ekologisten esanetan, oraingoz adostuta dagoena ez da inolaz ere abiapuntu egokiena bi gradutik gorako beroketa globala eragozteko. Hori da aurreko bileretan ezarritako langa, gaia aztertzen diharduten zientzialarien gomendioei men eginez. Alta, ahots batzuen ustez zuhurragoa litzateke beroketaren muga 1,5 gradutan jartzea.
Aldiz, egoera irauli ezean lau edo bost graduko beroketara iritsi gintezke mende amaieran, eta horrek hondamendi handia ekarriko luke.
Bonnen adostea gehien kostatzen ari den proposamenetako bat da herrialdeen konpromisoak bost urtero berritzea, ordura arte lortutakoaren eta zientzialariek klimaren bilakabideaz behatzen dutenaren arabera. Proposamenaren sustatzaile nagusia Europar Batasuna da, baina aurka ditu gainerako kutsatzaile handi gehienak: AEB, Errusia, Txina, Japonia, Hego Korea, Kanada…
Zenbait herrialderen jarreraz gain, oso kritikatua izan da enpresa handi (eta kutsatzaile) askok negoziazioetan duten presentzia eta eragina.
Ehun konpainia multinazional baino ez daude baliabide naturalen erauzketarekin lotutako gatazka guztien % 20aren atzean, Bartzelonako Unibertsitate Autonomoak egin duen ikerketa baten arabera. Ikerketak agerian utzi du iparralde globaleko herrialdeetako konpainiak baliabideez... [+]
Berria izateari utzi dio: beroketa globalak bi graduak gaindituko ditu, eta gainditze horrek ondorio oso garestiak ditu. Klimaren gaia tabu bilakatzen ari den testuinguru berri honetan, banketxe handiek ez dute horri buruz komunikatzen, baina arazoaz ongi jabetu dira eta... [+]
Klima-aldaketari buruzko BC3 ikerketa-zentroak baieztatu duenez, Europako hiriak atzera geratzen ari dira klima-aldaketari egokitzeko neurrietan. Hain zuzen, nazioarteko beste zentro batzuekin batera egindako ikerketan frogatu dute egokitzapen klimatikoko planen ia % 70k ez... [+]
Apirilaren 28ko gauean Bartzelonako Badal Ramblako terrazak gainezka zeuden; hoztu gabeko garagardoak zerbitzatzen ziren, baina jendeak zoriontsu zirudien. “Munduaren amaierak iritsi behar badu, pozik harrapa gaitzala”, esaten zidan auzokide batek. Hamar ordu baino... [+]
Antonio Turiel fisikari eta CSICeko ikerlariak aspaldiko urteetan ez bezala bete zuen Hernaniko Florida auzoko San Jose Langilearen eliza asteazkenean. Zientoka lagun elkartu ziren Urumeako Mendiak Bizirik taldeak antolatuta Trantsizio energetikoaren mugak izeneko bere hitzaldia... [+]
Klima aldaketaren eraginez, munduko lurralde gero eta gehiago idortzen ari dira, milioika pertsonaren jarduera eta bizimoduak kolokan ezarririk. Fenomeno horren frontean dago India erdialdeko Maharashtra estatua, non klimaren berotzeari eta lehortzeari metatu zaizkien oihan... [+]
Donostiako Zurriola Haur Hezkuntza, La Asunción eta The English School ikastetxe inguruak eta Bilboko Kontxa Eskola eta Calasancio-Escolapios dira nitrogeno dioxidoaren muga legala gainditzen dutenak, Ekologistak Martxanek hainbat eskola ingurutan egindako azterketaren... [+]
Copernikusek eta Munduko Meteorologia Erakundeak urte hasierako ikerketak berretsi dituzte: Europak bero errekorra hautsi du. Gutxienez 413.000 kaltetu eta 335 hildako izan ziren iaz ekaitz eta uholdeengatik, Europan.
Egungo Venezia 118 uhartez osaturiko artxipelago baten gainean eraikita dago. Uharte horiek 455 zubik elkar lotzen dituzte. Lura baino lokatza du oinarri hiriak. Inguruetako milioika zuhaitz mozteari ekin zioten IX. mendetik aurrera, piloteak eraiki eta hiria zimendatzeko... [+]
Munduan gutien aipaturiko krisi humanitarioa da Angola hego-mendebaldean 2019az geroztik irauten duena. Klima aldaketak indarturiko lehorte luze baten ondorioz milioika pertsona janari eskasean edo desegokitasunean bizi dira eta ura bilatzeko ahalegin handiak egin beharrean... [+]
Lurrak guri zuhaitzak eman, eta guk lurrari egurra. Egungo bizimoldea bideraezina dela ikusita, Suitzako Alderdi Berdearen gazte adarrak galdeketara deitu ditu herritarrak, “garapen” ekonomikoa planetaren mugen gainetik jarri ala ez erabakitzeko. Izan ere, mundu... [+]
Eskola inguruko natur guneak aztertu dituzte Hernaniko Lehen Hezkuntzako bost ikastetxeetako ikasleek. Helburua, bikoitza: klima larrialdiari aurre egiteko eremu horiek identifikatu eta kontserbatzea batetik, eta hezkuntzarako erabiltzea, bestetik. Eskola bakoitzak natur eremu... [+]