Gudaren eguneroko bizitza Prizrak brigadarekin

  • Donbassen borrokan ari diren boluntario espainiarrek ARGIAko kazetariei harrera egin eta beren eguneroko bizitza partekatzea erabaki dute, “mass-mediaren ildo ofizialetik kanpo geratzen den publikazio apala eta konprometitua delako. Orain arte ez diogu elkarrizketarik eman inolako komunikabideri dirutza eskaini diguten arren. Ez da gure estiloa Donbassen inguruan gezurretan ibili diren kazetariekin kolaboratzea. Zuen kasua salbuespena da”, dio Andresek, Extremadurako gazte komunista batek.

Ibai Trebiņo @errusiarzalea
2014ko azaroak 10
Espainiar boluntarioak Donbassen

Luganskeko Herri Errepublikako bigarren hiririk handienean gaude, Altxevsk hiri langilean. Igandea da eta fabriken produkzioa  etenda dago. Jendez gainezka dagoen merkatua bisitatzera joan gara, merkatu eguna baita Altxevsken. Pare bat ordu eman ditugu paseoan eta haien kuartel nagusira abiatu gara.

“Guztira zortzi gara Prizrak brigadan borrokan ari garen espainiarrak, bi heldu berri eta beste bi laster Espainiara bueltatzekoak badira ere”, azaldu digu espainiarren komandanteak. Kuartelera heldu gara eta Victor Lenta eta Nikola Perovic frantziarrek ongi etorria eman digute ere: “Welcome to Novorossija”. Lenta eta Perovic nazionalista frantziarrak dira, eta unitate kontinentaleko komandanteak, espainiar eta serbiar boluntarioen unitate berdineko kideak. Frantziar armadako kide ohiak dira biak eta Frantziako Estatuak terroristatzat hartzen ditu: “Ezin gara Frantziara itzuli gure gobernuak 10 urteko kartzela-zigorra ezarriko zigulako”. Argi daukate zein den beraien helburua: “Gure unitatea Prizrak brigadaren barruan dago eta ideologikoki oso heterogeneoa da. Hemen nazionalistak, ultranazionalistak edo komunistak topa ditzakezu; hala ere, ez dago arazorik. Ez dugu inor baztertzen ideologia, erlijio edo arraza kontuengatik, gure etsaia NATO da eta edozein pertsonari ongi etorria emango diogu etsai komunaren aurkako borrokarako prest badator” , Victor Lentaren esanetan.

Nikola Perovic serbiar jatorrizko frantziarra da, militarra, Afganistango gudan parte hartu zuen, “ordutik ez dut ezer jakin nahi NATOko txakurrekin. Bertan zibilen erailketen testigu izan nintzen, eta horrek begiak zabaldu zizkidan. Harrigarria izan zen bertan ikusitako inpunitatea”. Serbiarren komandantea ezagutzeko parada ere izan dugu, Stevan Milosevic hain zuzen ere. Bere esanetan: “Gu, serbiarrok, Novorossian gaude faxismoa, nazismoa eta NATO garaitzeko helburuz; horretarako gure bizitza eman behar badugu ere”.

Milizianoak lehergailu bat prestatzen

Kuartela erakutsi digute espainiar boluntarioek. Gela batean Madrilgo gazte bat topatu dugu lehergailu bat prestatzen. Detonadore batez eta lehergai plastikoz osatutako lehergailu bat; “gauza sinple honekin ukrainiarren tankeak leher ditzakegu”, dio. Ukrainarrek terroristatzat hartzen badute ere oso tipo normala dela dio: “Ez da nire gustukoa familia, lagunak eta lanpostua han utzita Donbassera borrokara etortzea. Oso injustua iruditzen zait Ukrainako armada zibilen kontra egiten ari den sarraskia, horregatik nago hemen”.

Eguneroko bizitzari dagokionez, oso bizimodu apala baina diziplinatua daukate Prizrak Brigadan borrokan ari diren espainiarrek. “7:00etan jaikitzen gara korrika egiteko. Apur bat deskantsatu eta bazkaldu ostean entrenamendu taktikoa egiten dugu. Unitatearen asmoa goi-mailako interbentzio unitate bilakatzea da eta horretarako diziplina behar da, errusiarrek diziplina gutxi daukate gure aldean. Hemen gainera alkohola edatea debekatuta dago”, diote broma artean.

Prizrak Brigadako Igor Zatochka komandantea

Nazioarteko boluntarioekin batera errusiar eta ukrainar boluntarioek osatzen dute Prizrak Brigada, Novorossijako bigarren brigadarik garrantzitsuena. Prizrak hitzak mamua esan nahi du; eta izena ukrainar armadari adarra jotzearren hautatu zuten. “Ukrainarrek beti esaten dute gure brigadarekin amaitu dutela, baina mamuak bezala agertzen gara behin eta berriz”, diote milizianoek barre artean. Alexei Mozgovoi da brigadaren komandante gorena, europar antiinperialista eta komunista askoren erreferente bilakatu dena. Mozgovoik bere burua komunistatzat jotzen du, eta behin eta berriz oligarken kontrako gudarako deia egin du. Prizrak brigadako beste komandanteekin egoteko aukera izan dugu guk. Batzuek diotenez bere oinordekoa den Igor “Zutochka” komandantearekin eta ukrainar kosakoen komandante batekin egon gara. Biak Sloviansken izan ziren, altxamendu armatuaren aitzindari gisa. Uniformea dominaz beteta daramate. “Hau Slaviansk defendatzeagatik lortu nuen. Ni ukrainarra naiz eta ukrainar armadako elite taldeko kidea izan naiz, baina komunista izanda ezin dut onartu naziek egindako estatu kolpea. Horregatik orain Novorossijako armadako kide naiz”, dio Zatochkak. Komandante kosakoa ere ukrainarra da eta Donetskeko aireportuaren defentsa lanetan aritu zen.

Kosakoez gain, errusiar boluntarioak ere badira Prizrak brigadaren kuartelean, trukean dirurik hartu gabe Errusiatik Novorrosijara joan direnak. Beraien eskutik entrenamendu militar bat ikusteko aukera izan dugu. Bat-batean bonben hotsak denon isiltasuna eragin du. “Entzun duzue? Konta ezazue zuen herrian Ukrainako armada Donbassen egiten ari dena”.

Iluntasuna heldu eta eguna amaitutzat eman dute Prizrak brigadaren kuartelean. Milizianoentzat ohikoa da afaldu eta lotara goiz joatea, baina gaurkoa egun berezia da hemen dauden espainiarrentzat, eta pizzeria batera joateko baimena eman diete: “Bihar frontera goaz eta gaur batera gaudela ospatu behar dugu. Zeinek daki bihar zer pasako den”. Bat-batean argia joan eta herria ilunpean geratu da; pizzeriatik alde egin dugu. Novorossijako zeruan NATOren drone bat atzeman dutelako eten dute argia segurtasun arrazoiengatik. “Hilean daukagun momenturik alaiena zapuztu egin digute, beste behin ere. Welcome to Novorossija, Welcome to the war”. Orain bai, eguna amaitutzat eman dute Donbassen borrokan ari diren espainiarrak.

Andres eta Sergio, espainiar boluntario komunistak.
Prizrak brigadako milizianoa
Prizrak brigadako milizianoa.
Serbiar boluntarioa Donbassen
Serbiar boluntarioa Donbasen.
Miliziano bat Altxevsk-eko merkatuaren sarreran
Miliziano bat Altxevsk-eko merkatuaren sarreran.
Serbiar boluntarioak Altxevsk-eko merkatuan
Serbiar boluntarioak Altxevsk-eko merkatuan.
Altxevsk-eko merkatua
Altxevsk-eko merkatua.
Leninen omenezko monumentoa Altxevsken
Leninen omenezko monumentoa Altxevsken.
Altxevsk industrialaren ikuspegi bat
Altxevsk industrialaren ikuspegi bat.
Errusiar boluntario baten tiro praktika
Errusiar boluntario baten tiro praktika.
Ukrainar kosako beteranoak
Ukrainar kosako beteranoak.

 

Kanal honetan artxibatua: Donbass gerran

Donbass gerran kanaletik interesatuko zaizu...
2016-08-19 | Ibai Trebiņo
#DCLeaks filtrazioa: ARGIAko kolaboratzaileak George Sorosen zerrenda beltzean

Ibai Trebiño eta Asier Blas ARGIAko kolaboratzaileak George Soros milioidunak eskatutako zerrenda batean agertu dira berriki ezagutu den filtrazio baten arabera. Trebiñok egoeraren bere balorazioa egin du.


Dokumentala estreinatu dute

Euskaldunok ezagun dugu proiektu bat martxan jartzeko diru-laguntza kolektiboaren ohitura. Zuk ere hartuko zenuen parte batean baino gehiagotan, irakurle, poltsa bidez, bonu edo errifa moduan, zozketaren batean edo zuzenean kontu-korrontean sartuta. Bada orain betiko laguntza ekonomikoari crowdfunding deitzen zaio. Interneten zertxobait moldatzen bazara ziur entzuna duzula hitza, eta akaso kanpainaren batean ere zure ekarpena egina izango duzu. Baina errifak karterako bazter ezkutuenetan bezala... [+]


2016-06-09 | ARGIA
'Donbass: gerra Europaren bihotzean' dokumentala larunbatean estreinatuko da Arrasaten

Ibai Trebiño eta Mikel Arregi ARGIAko kolaboratzaileek Ukraina, Krimea eta Donbassen jaso dituzten lehen eskuko testigantzetan oinarrituta dago lana. Dozenaka lagunen diru ekarpenari esker ondu duten dokumentala Arrasateko Amaia Antzokian eskainiko dute 19:30ean.


2015-11-08 | Axier Lopez
Herritarren bizipenak argitara ateratzeko crowdfundinga

Donbass: Gerra Europaren bihotzean dokumentala kaleratzeko diru bilketa martxan jarri du ARGIAk Karena.eu plataforman. Ibai Trebiño eta Mikel Arregi kazetariek Ukraina, Krimea eta Donbassen jaso dituzten lehen eskuko testigantzetan oinarrituta dago lana.


2015-10-07 | ARGIA
Donbasseko gerraren beste aldea erakusteko asmoz crowdfundinga abiatu dugu

Donbass: Gerra Europaren bihotzean dokumentala kaleratzeko diru bilketa martxan jarri dugu karena.eu plataforman. Ibai Trebiño eta Mikel Arregi ARGIAko kolaboratzaileek Ukraina, Krimea eta Donbassen jasotako testigantzetan oinarritutarik dago.


2015-07-21 | Ibai Trebiņo
Pausoz pauso, Errusia euskalduntzen

Erreka errusieraz Reka esaten da; Euskara eta Errusiar hizkuntzaren arteko antzekotasunez mintzo zaigu Natalia, Errusian jaio eta bizi den euskaldun berria, Mosku errekaren bazterretik paseoan goazela.


G7aren bileran Errusiak ez du hitz egiten, baina Errusiaz hitz egiten da

Protesten artean egiten ari da G7aren bilera Alemanian. Munduko zazpi estatu boteretsuenak ari dira parte hartzen (AEB, Alemania, Kanada, Japonia, Frantzia, Erresuma Batua eta Italia).


Vostok batailoia: bandera anitzeko milizia
MULTIMEDIA - erreportajea

Donetsk-en kaleetako propagandak aditzera ematen duen bezala, Vostok batailoia da gaur egun bertako herri errepublikan dagoen indar militarrik nabarmenena. Vostok ekialdea da errusieraz, eta Ukraina ekialdeko errepublika matxinoetan jaun eta jabe dira.

Ukrainako armadako jeneral eta militar ohiek berpiztua, Vostok batailoiak iragan apirileko  herri-altxamenduan egin zuen agerraldia. Ordutik, Donetsk-eko errepublikaren “zaindari” bilakatu da.

Ukrainako gerra zibilean... [+]


Eguneraketa berriak daude