Martxoaren 9an hasi zuten greba mugagabea Getxoko kale garbiketaz eta hondakin bilketaz arduratzen diren Cespa enpresako langileek. Lan hitzarmena berritzeko patronalarekin adostasunik lortzen ez dutenez hartu dute erabakia. Getxoko kaleetan grebaren eragina nabaria da.
Enpresak 12 langile kaleratu nahi dituela salatu dute langileek. Horretaz gain, “erretiroengatik sei lanpostu amortizatu nahi direla eta 52 langileren lanaldia gutxituko dela” salatu dute.
Neurri horiek atzera botatzerekin batera, 2012az geroztik duten hitzarmena berritu nahi dute langileek. Ordutik soldatak izoztuta dituzte eta orain, %1eko igoera eskatzen dute.
Hondakinak ateratzeko egutegia zorroztu du Udalak
Eusko Jaurlaritzak gutxieneko zerbitzuak finkatu ditu. Hala ere, kaleek ez dute ohiko txukuntasuna eta garbitasuna eta horregatik, Getxoko Udalak hondakinak zehaztutako bilketa egunetan ateratzeko eskatu die bizilagunei. Horrela “kaleak ahal bezain garbien egotea” bermatu nahi dute, “infekzio-fokuak, usain txarrak eta lurrera hondakinak botatzea” saihesteaz gain.
Langileen ustez “gehiegizkoak” dira ezarritako gutxieneko zerbitzuak eta Lan Ikuskaritzaren aurrean salatu dute zerbitzu horiek handitu nahi dituela enpresak.
Udalak “ahalik eta esfortzu negoziatzaile handiena egitea” eskatu die bi aldeei. “Ahal bezain pronto akordio batera iritsi eta bientzat onena izatea" nahi dute.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]
Herritarren eta ekologisten plataformek Bilbo Handiko Metropoli parkea eskatu dute eta zabortegiaren irekitzea eta hedatzea salatu dute. Udalari, Eusko Jaurlaritzaren erabakietara “makurtu” dela egotzi diote. Aburtok, bi proiektuak bateragarriak direla adierazi du.
Barakaldoko Brutzeña auzoan hondakinekin lan egiten duen Contenedores Vascos baten aurkako salaketa jarri du Ekologistak Martxan elkarteak.