Barakaldoko hondakinen enpresa bat salatu du Ekologistak Martxanek

  • Barakaldoko Brutzeña auzoan hondakinekin lan egiten duen Contenedores Vascos baten aurkako salaketa jarri du Ekologistak Martxan elkarteak.

Argazkia: Ekologistak Martxan

2022ko martxoaren 02an - 16:32

Eusko Jaurlaritzaren eta Barakaldoko Udalaren aurrean hondakinak kudeatzen dituen Contenedores Vascos enpresa salatu du Ekologistak Martxan elkarteak, “osasun publikoari eta ingurumenari eragiten dieten inpaktu garrantzitsuengatik”. Enpresak 2018az geroztik, gutxienez, Burtzeñako Zortzi kalean egiten du bere jarduna, etxeen ondoan eta ikastetxe batetik gertu.

Elkarte ekologistaren arabera, enpresak emisio atmosferikoak eta akustikoak sortzen ditu, eta baita hondakin-uren isurketak eta ibilgailu astunen zirkulazioa ere. Era berean, bizitegi-gune baten ondoan dago, Burtzeña (Barakaldo) auzoaren erdi-erdian, hurbileneko etxebizitzetatik hogeitabost metrora eta ikastetxe batetik ehun metrora. Bestalde, instalazioaren zati bat urpean gera daitekeen eremuan kokatzen dela adierazi dute.

Ildo horretatik, Ekologistak Martxanek hainbat neurri eskatu dizkie Eusko Jaurlaritzari eta Barakaldoko Udalari:

1.- Adierazitako gertakariak jakinarazitzat jotzea, dagozkion lege-ondorioetarako, eta, bere eskumenen esparruan arau-hauste administratiboren bat izan badaiteke, dagokion ikerketa- eta/edo zehapen-espedientea irekitzea.

2- Bere eskumenen esparruan, legea betetzen dela bermatzeko behar diren neurriak hartzea, jardueraren kautelazko geldiaraztea barne, hala badagokio.

3- Gertakariak ingurumeneko agintari eskudunei jakinaraztea, dagozkien neurriak har ditzaten.

4- Jakinarazleari eta Ekologistak Martxan elkarteari, alderdi interesdun gisa, adierazitako gertakarien inguruan sor daitezkeen administrazio-ekintza eta -espedienteetan parte har dezatela, eta har daitezkeen erabakien berri ematea.


Kanal honetatik interesatuko zaizu: Hondakinen kudeaketa Bizkaian
2024-01-30 | Uriola.eus
Zorrotzara iritsiko diren lixibiatuak jo-mugan

Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.


Bizkaiko hondakinen kudeaketa

Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]


2022-11-23 | Uriola.eus
Artxandako zabortegiaren berrirekitzea salatu du Artxanda Parke Bai plataformak

Herritarren eta ekologisten plataformek Bilbo Handiko Metropoli parkea eskatu dute eta zabortegiaren irekitzea eta hedatzea salatu dute. Udalari, Eusko Jaurlaritzaren erabakietara “makurtu” dela egotzi diote. Aburtok, bi proiektuak bateragarriak direla adierazi du.


2021-06-08 | ARGIA
Zabortegiak handitu eta berriak ireki nahi dituzte EAEn

Zabortegien edukiera bikoiztu egin beharko da EAEn 2030 urtera arteko epean, Eusko Jaurlaritzak aitortu duenez. Horri aurre egiteko hainbat proiektu daude mahai gainean, egungo zabortegiak handitu eta berriak irekitzeko, hala jaso du Berria egunkariak.


Eguneraketa berriak daude