Gasteizko Udaltzaingoa "gorriz zegoen semaforo" batez baliatu da manifestari bati isuna jartzeko
Hilabate pasa den honetan, Sanferminetako bortxaketaren epaia salatzeko egin zen manifestaldiarekin loturan ondorio errepresiboak ematen ari da.
Sanferminetako talde-bortxaketaren epaiaren harira, apirilaren 26an Gasteizen egindako manifestaldian parte hartu zuen jendeak zigorrak jasotzen jarraitzen du, Hala Bedik jakinarazi duenez. Jazo den azken zigorrean, Udaltzaingoak 200 euroko isuna jartzen dio manifestaldian parte hartu zuen pertsona bati, semaforoa gorriz zegoela errepidea zeharkatzeagatik.
4.101 polizia-agenteak, gainera, “larritzat” jo du arau-hastea, nahiz eta milaka izan ziren berbera egin zuten pertsonak. Are gehiago, hiriko errepide nagusienetako bat moztu zuen eserialdi batekin eman zitzaion amaiera mobilizazioari.
‘La Manada’ auziaren sententziaren kontrako manifestaldiak eragindako errepresioa azpimarratu duten hainbat kasu egon dira denbora tarte honetan. Maiatzaren hasieran, adibidez, manifestari batek Udaltzaingoaren partetik jasandako erasoak salatu zituen.
Martxoaren 8arekin lotutako zigorra
Sanferminetako talde-bortxaketaren gaineko sententziari emandako erantzunak eragindako errepresioa alde batera, Gasteizko Mugimendu Feministak zigor gehiago jaso ditu azkenaldian. Martxoaren 8arekin loturan, Greba Feministara deia zabaltzen zuten kartelak jartzeagatik 1.450 euroko isunarekin zigortu baitzuen Mugimendu Feminista Gasteizko Udalak. Ez hori bakarrik, zigorra jarri eta biharamunean udalbatzak Greba Feministako kartelak “zirko eta outlet azoken” kartelekin alderatu zituen.
Pertsona oso energetikoa da eta gorputzak uzten dion bitartean “ahalik eta gehien” disfrutatzen saiatzen da Espe Ciriza Asenna Nafarroako Endometriosi Elkarteko kidea (Iruñea, 1981). Endometriosia dauka, eta horren ondorioz, “izugarrizko” min... [+]
Toledo, 1272-1280. Alfontso X.a Gaztelakoak Ama Birjinari eskainitako 427 kanta monodiko bildu zituen. Santa Mariaren Kantigek Erdi Aroko musika eta literatura bildumarik garrantzitsuenetakoa osatzen dute, baina, kantiga miniaturaz apainduta daudenez, ilustrazio horiek beste... [+]
Etxe batean badira zenbait gune, gutxitan erakusten zaizkionak etxetarra ez den norbaiti. Esan trastelekua, ganbara, galdara gela, armairu bat. Askotan lurrazpiko etxeko oinean edo irisgarritasun gutxiko etxearen goialdean kokaturik dira. Etxearen txoko hauek lotsa,... [+]
Bildumako azken alea izango dela jakinarazi dute: lehenbizikoa Ni-ari buruzkoa izan zen, eta bigarrena Zu. Bigarren hura bezala, autoedizioan kaleratu du honakoa ere.
Gorputzak, identitateak, desirak, justizia soziala, ahalduntzea eta memoria: sei arlo horien bueltako unitate didaktikoak kaleratu dituzte, DBH eta Batxilergoko ikasleekin lantzeko. LGBT+ pertsonen testigantzak, diskriminazioa eta aldarrikapenak oinarri, “armairuan... [+]