Manifestazio jendetsua egin dute Bilbon turismo masiboak Bilboko Alde Zaharrean duen eragin kaltegarria salatzeko.
Ehunka herritar bildu dira asteazken arratsaldean auzoko turistifikazio prozesuaren aurrean euren kezka azaltzeko. Udalari azaldu diote auzoko ekonomiaren garapena ezin dela soilik turismoan oinarritu, "aisialdi leku" edo "pasako leku" izatetik harago, bertan jendea bizi dela gogorarazi dute.
Zazpi Kaleetan barna protesta egin dute herritarrek, Bihotzean elkarteak eta SOS Alde Zaharra plataformak deituta. Turistifikazio "fenomeno erraldoiaren" aurrean euren burua kaltetutzat dute, espazio publikoaren pribatizazio, espekulazio eta "degradazioarekin", eta "turismoaz aprobetxatuz dirua irabazi nahi dutenen mesedetan" auzoa eraldatzen ari dela salatu dute.
Hala, Juan Mari Aburto alkateari zuzenean galdetu diote ea zer hiri eredu nahi duen: "Alde Zaharra ez dago salgai", aldarrikatu dute bertaratutakoek.
Segidako argazkiak Txeng Meng erabiltzaileak paratu ditu Flickr-en eta ARGIAri utzi dizkio egileak:
Igande honetan egingo dira hauteskundeak Katalunian, maiatzaren 12an. Procésaren ondorenak eta Carles Puigdemonten balizko itzulerak estali ditu zenbait mintzagai. Baina abian dira bi proiektu erraldoi eta esanguratsu, biak ala biak turismoari estuki lotuak: Hard Rock... [+]
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.