Frantziako Poliziak ezingo ditu drone bidez "migratzaileak kontrolatu" Gipuzkoa eta Lapurdi arteko mugan
Ekainaren 28az geroztik, Frantziako Poliziak baimenduta zuen migratzaileak kontrolatzeko droneak erabiltzea Bidasoa ibaiaren inguruan. Migratzaileen defentsarako hiru elkartek, ordea, helegitea aurkeztu zuten berehala, eta Paueko Administrazio Auzitegiak gailuak erabiltzea debekatu du.
Frantziako Poliziak ezingo ditu droneak erabili migratzaileak kontrolatzeko Gipuzkoa eta Lapurdi arteko mugan, Paueko Administrazio Auzitegiak hala erabakita. Ekainaren 28az geroztik Bidasoa ibaiaren inguruetako 22 kilometro koadroko eremuan gailuak erabiltzea ahalbidetzen zion Prefektuak Frantziako Poliziari. Baina neurria atzera bota du epaitegiak, epaileen esanetan pribatutasunaren eta familia biziaren eskubidearen "urraketa larria" eta "argiki legez kanpokoa" delako.
Ilazki Ortegok, Migratzaileen Defentsarako Abokatuen Elkarteko abokatuak, Kazetan azaldu du droneen erabilera baimentzen duen erabakiaren aurka egitea erabaki zutela, haien ustez “giza eskubideak urratzen” dituelako. Gainera, kontrol mota guztiz “arrazista” dela azpimarratu du, “azalaren kolorean oinarritutako” kontrola baita.
“Baimendutako eremua zinez zabala da, eta jendearen bizitza grabatzeko aukera zuen Poliziak”, gehitu du. Haren ustez, droneen erabilera hedatzen ari da, eta gailuak mugak kontrolatzeko erabili nahi izateak geroz eta kontrol handiagoa dagoela adierazten du.
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]