FARCek eta Kolonbiako Gobernuak elkarrizketak berrabiarazi dituzte, akordioa lortzeko bide luzea dagoela jakitun
FARCen eta Kolonbiako Gobernuaren arteko bake elkarrizketen bigarren fasea hasi da Kuban, astebeteko etenaren ostean. Bi aldeek adierazi dute bake akordioa lortzeko bide luzea dagoela egiteke, baina Juan Manuel Santos presidenteak esan du bakea hilabeteetako kontuan lortu behar dela, eta ez urteetan. Beranduenera ere 2013ko azarorako heldu beharko lirateke adostasun batera herrialdeko agintariaren arabera.
Gobernuaren negoziatzaile Humberto de la Callek adierazi du ez dituztela iraganean egindako akatsak errepikatuko, 2002an amaitutako bake elkarrizketei erreferentzia eginez. Orduan, gobernuak behin baino gehiagotan aditzera eman zuen gerrilariek su-etena berriz ere armak lortzeko baliatu zutela.
Joan den hilean, FARCek urtarrilaren 20ra arte iraungo duen alde bakarreko su-etena iragarri zuen. Hala ere, Kolonbiako armadak hainbat gerrillari hil zituen pasa den asteburuan, eta horrek elkarrizketen inguruko zalantzak areagotu ditu. Zentzu horretan, Gobernuak esan du errebeldeen aurka borrokan jarraituko duela, armak betiko uzten dituen arte.
Bestalde, armadaren erasoek prozesua baldintza ote dezaketen galdetu dio BBCk Andrew Paris FARCeko negoziazio taldeko kideari, eta honek ez du adierazpenik egin nahi izan.
Errebeldeek adierazi dute ez dutela denbora-mugarik jarri nahi adostasunera heltzeko, hitz egin behar dituzten gaien konplexutasuna medio. Negoziazioak urriaren 18an abiatu zituzten Oslon (Norvegia), ondoren Habanan jarraitzeko.
Hainbat hedabidek argitaratu dutenez, laborantza-erreforma izan dute hizpide lehen saioetan, baina ondorengo gaiak ere lantzeko konpromisoa hartu dute:
Gatazka armatuaren konponbidea
Oposizio politikoa eta herritarren parte-hartzea.
Droga trafikoa.
Gatazkaren biktimen eskubideak.
Datuen arabera, 600.000 lagun hil dira Kolonbiako gatazka armatuan, 1964aan FARC sortu zenetik.
Herri axolagabea! Zein ezberdina izango litzatekeen zuen patua, askatasunaren prezioa ezagutuko bazenute! Baina ez da berandu. Emakumea eta gaztea naizen arren, heriotzari aurre egiteko ausardia dut orain, eta mila aldiz gehiagotan ere izango nuke, ez ahaztu!".
Hitz... [+]
Kolonbian, FARC gerrilaren disidentzia-talde handienak adierazi du bakerako borondatea adierazi dutela eta Gobernuarekin elkarrizketak abiatuko dituela Norvegian, berak hala proposatuta. Eragile sozialekin eginiko topaketa batzuetan egin du iragarpena.
Francia Márquez presidenteordearen etxe inguruan zazpi kilo lehergailu arukitu dituzte, eta ondorioztatu dute bere aurkako atentatu saiakera bat zela. Márquezek bere ibilbide militante eta instituzionalean eraso eta mehatxu andana jaso ditu.
ELNk azaldu du aldebakarrekoa dela Kolonbiako presidenteak urtarrilaren 1ean iragarri duen aldebiko su-etena. "Ez da horrelako akordiorik eztabaidatu gobernuarekin", baieztatu dute. Gustavo Petrok atzera bota du su-eten ituna, eta gerrillari taldeari eskatu dio... [+]