ARGIA.eus

2022ko ekainaren 28a

Petro ezkertiarraren garaipen historikoa Kolonbian

  • Itun Historikoa koalizioko buruak atzean utzi du Rodolfo Hernández enpresaria, aurrekaririk gabeko garaipenean: sekula boto gehien lortu duen presidente bilakatu da Gustavo Petro. Munduko 20 herrialderik biolentoenetako bat izateaz gain, AEBen eta bere politika neoliberalen ikuspegitik azken hamarkadetan berebiziko garrantzia izan duen herrialdea da Kolonbia.

Gustavo Petro eta Francia Márquez, igandeko emaitzak ospatzen.
2022ko ekainaren 20a

Gustavo Petro aukeratu dute Kolonbiako presidente ekainaren 19an egin diren hauteskunde presidentzialen bigarren itzulian, botoen %50 baino gehiagorekin. Itun Historikoa izeneko koalizio ezkertiarreko liderrak, zehazki, botoen %50,69 lortu ditu, botoen %94,57 zenbatuta.

Uribismoak itxaropena zuen Rodolfo Hernandez enpresariak irabaziko zuela, baina botoen %47,04 eskuratu du. Honenbestez, mugarria jarri dute munduan indarkeria-maila handieneko bat pairatzen duen herrialdearen historian. Sekula ez zuen ezkerreko hautagai batek irabazi presidentetza.

"Kolonbia eraldatzeko agindu historikoa da gaurko garaipena. Duintasunagatik, justizia sozialagatik eta ingurumen justiziagatik, gure askatasunagatik. Osotasun eta gardentasun konpromisoa hartzen dugu. Bizitzaren aldeko mandatua izango da", adierazi du Francia Marquez presidenteordeak.

"Gaurkoa herriarentzat jai eguna da. Ospa dadila lehen garaipen herrikoia. Aberriaren bihotzean gainezka egiten duen alaitasun horrek arindu ditzala pairatutako hainbeste sufrimendu. Garaipen hau Jainkoarentzat, Herriarentzat eta bere historiarentzat. Gaurkoa kale eta plazen eguna da", esan du Petrok Twitterren.

Petroren programak eredu ekonomikoa errotik aldatzea proposatzen du, nekazaritza eta abeltzaintzako produkzioaren bultzadan oinarrituta, desberdintasunari aurre egin ahal izateko nekazaritza-erreforma egin ondoren. Kolonbian, lurren erdia baino gehiago %2 pribilegiatu batzuen esku dago.

Hauteskunde-egunean Petroren alderdiko bi militante eta buruzagi sozial hil dituzte Guapi eta El Patía udalerrietan, Cauca departamenduan.

Emaitzak jakin berritan dozenaka milaka lagun kalera atera dira Kolonbia osoan aldaketa politikoa ospatzera. Jarraian zenbait bideo:

 

Kanal honetan artxibatua: Kolonbia

Kolonbia kanaletik interesatuko zaizu...
2022-05-30 | Axier Lopez
Kolonbia, historia egiteko prest

Gustavo Petrok irabazi egin du botoen %40,32rekin Kolonbiako hauteskundeen lehen itzulia. Inkestek aurreikusi bezala, alde handiz lortu du garaipena, baina ez behar bezain zabala ekainaren 19ko bigarren itzulia saihesteko.


2022-05-30 | ARGIA
Ezkerra nagusi Kolonbiako presidentetzarako hauteskundeen lehen itzulian

Gustavo Petro ezkerreko hautagaiak lortu du boto gehien (%40,32) Kolonbiako hauteskundeen lehen itzulian. Rodolfo Hernandez hautagai milioidun populistarekin (botoen %28,15 lortu du) lehiatuko da bigarren itzulian, ekainaren 19an. Lehiatik kanpo geratu da Federico Gutierrez... [+]


2022-05-29 | Xuban Zubiria
Alberto Pinzón eta Alexander Ugalde
"Tamalez, askotan errazagoa da gerra egitea"

Kolonbiak pasa den urtean bizitako eztanda sozialaren erdian argitaratu zuen Alberdaniarekin Freytter elkarteak Confieso que he cumplido con la amistad (Aitortzen dut, laguntasunarekin bete dut). Alberto Pinzón mediku eta militante historikoaren ibilbidea laburbiltzen... [+]


Iruzurra edo estatu kolpearen itzala Kolonbian igandeko hauteskundeetarako

Herrialdeko lehendakaria hautatzeko hauteskundeak egingo dira datorren maiatzaren 29an Kolonbian eta Itun Historiakoa ezkerreko koalizio zabaleko hautagai Gustavo Petro izango da irabazlea, inkesta guztien arabera.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude