Ezkabako ihesaldian hildako bost lagunen hezurrak aurkitu dituzte
Berriozarko orube batetik ari da ateratzen gorpuak Aranzadi.
1938ko maiatzaren 22an Ezkaba mendiko San Cristobal gotorlekutik ihes egin eta hildako 200 presoetatik batzuk aurkitu dituzte Berriozarren, Esparteta izeneko herri lurretan. Zehazki bost lagunen hezurrak ari da ateratzen Aranzadi Zientzia Elkartea. Ihesaldiaren ondoren atxilotuak izan ziren eta Berriozarko eskolara eraman zituzten, handik atera eta fusilatuak izan ziren azkenean.
Oraindik bizirik dauden hainbat lekukoren testigantzen bidez lortu dute lurperatu zituzten toki zehatzaren berri jakitea. Raul Maiza Berriozarko alkate-ordearen esanetan “emozionatea” ari da izaten indusketa eta herritar ugari hurbil du dira ikustera; horietako askok “betidanik” zekiten bertan fusilatuen gorpuzkinak zeudela.
Indusketek gaur jarraituko dute eta horren ondoren DNA frogak egingo dituzte, fusilatuen nortasunaren inguruan dituzten susmoak argitzeko.
1936ko udazkenean Hernanin eta Oiartzunen frankistek egindako zientoka hilketen arduradun nagusiena izan zen Ramiro Llamas komandante eta epailea. Hilabete gutxira jendaurrean publikoki adierazi zuen fusilatze horien inguruan pentsatzen zuena; diskurtso beldurgarri hori oso... [+]
Oraindik ere 36ko Gerraren memoriak sarri jasotzen ditu haginkadak orduko borreroen oinordekoen aldetik. Azken horietako bat Eulateko Felix Goyaren monolitoak jasandakoa da. 1936an atxilotu eta hil zuten frankistek 51 urterekin, eta oraintsu hiltzaileen ondorengoek berriz egin... [+]
Ahaztuen Oroimena 1936 elkarteak eman du argitara Munitibar 1937/04/26: Aire-eraso baten kronika liburua eta igandean aurkeztuko dute jendaurrean. 1937ko apirilaren 26an Kondor Legioak Munitibarren aterpetuta zeuden herritarrei eraso egin zien. Egun bereko arratsaldean, Gernikan... [+]
Genetikoki identifikatu ondoren, Eusko Jaurlaritzak 1937ko udaberrian hildako sei errepublikarren gorpuzkiak itzuliko dizkie beren senideei, Bilboko Gogora institutuaren egoitzan larunbatean egingo duten ekitaldian.
Larunbatean Hernaniko Udalak beharrezkoa den oroimen ekitaldia egingo du herriko hilerrian 1936an frankistek hildako 200 lagunak gogoratzeko. Baina zeintzuk izan ziren krimen horien arduradunak? Zeinek sustatu eta agindu zituen fusilatzeak? Komeni da izen horiek ere ez ahaztea.