Euskara Ipar Euskal Herrian: azken datuak "itxaropentsuak" dira Euskal Konfederazioaren ustez

  • VI. inkesta soziolinguistikoaren emaitzak argitaratu berri dituzte Ipar Euskal Herrian, eta Euskal Konfederazioak "itxaropentsutzat" jo ditu datuak, Enbatak adierazi duenez.

Itsaso Zubiria Etxeberria @itsasozubiria
2017ko uztailaren 11
(Irudia: VI. inkesta soziolinguistikoa, 2016).

Txosteneko lehen datu nagusia da 2016an Iparraldean 16 urtetik gorako biztanleetatik 51.200 direla euskaldunak, 23.300 elebidun hartzaileak eta 174.900 erdaldun elebakarrak; alegia, %20,5 dira euskaldunak, %9,3 euskaldun hartzaileak, eta %70,1 erdaldun elebakarrak. Proportzionalki Nafarroa Beherea eta Zuberoa dira euskaldun gehien biltzen dituzten lurraldeak (biztanleen %49,5, 16.000 euskaldun), baina kopuruetan Lapurdi da (BAM euskaldea sartu gabe) euskal hiztun kopururik altuena duena, 26.000.

Azken hogei urteetan 5,9 puntuko jaitsiera izan du euskaldun kopuruak hiru lurraldeetan. 1996an biztanleen %26,4 elebiduna, eta 2016an %20,5. Beherakadak, ordea, azken garaietan mantsotzeko joera adierazten duela azaldu dute.

Zergatik emaitza "itxaropentsuak"?

Adinen arteko alderaketa eginda, gazteen euskalduntze maila da gora egin duena. 2011ko inkestak azpimarratu zuen joera hori, eta 2016ko datuek berretsi egin dute. Oraindik 65 urtetik gorakoak dira euskaldun kopuru altuena ematen dutenak (%28,1), baina adin-tarte horretako datuek behera egiten dute. 35 eta 49 urte bitarteko tartea da mailarik baxuena ematen duena (%14,6). 25-34 adin-tartean %15,7ko datuak ematen dituzte, eta 16-24 urte bitartean %18,9.

Duela hogei urte 16-24 adin-tartean %11,3 zen euskalduna, eta orain ia zortzi puntuko aldea dago, %18,9. 25-34 urte bitartean gorakada apalagoa bada ere, 1996tik hona 2,1 puntuko gorakada izan du.


Euskara Ipar EHn kanaletik interesatuko zaizu...
2018-05-11 | Euskal Irratiak
"Aurten Herri Urratsek beste kutsu bat hartuko du, aldarrikapen eguna izanen da"

Herri Urrats maiatzaren 13an, urtero legez Senpereko aintzira inguruan ospatuko dute Seaskaren festa nagusia. Giro berezi batean izango da aurtengoa, joan den astean "Kasu, ikastola kexu!" lemapean mobilizazioa antolatu baitzuten.


Ikasleek entzunarazi dute Seaskaren kexua

Orotara 7.000 lagun bildu dira Baionan, Seaskaren alde. Hauetan, 3.000 ikaslez gora, manifestazioaren buruan, danborrada burutuz. Heldu den urterako Frantziako Hezkuntza Ministerioak Seaskari bideratu nahi ez dituen 25 irakasle postuak lortzeko lehen mobilizazioa izan dute hau.


2018-04-05 | ARGIA
"Prefosta" kantuak girotuko du aurten Herri Urrats jaia

2zio rap talde lapurtarrak egin ditu aurtengo Herri Urratseko kantua eta bideoklipa: "Prefosta". Manex Erdozaintzi eskolan grabatu dute bideoklipa, Behe Nafarroaren eta Zuberoaren arteko mugan dagoen kolegio bakarrean.

 


Sebastien Castet, Euskal Konfederazioko kidea
Euskalgintzaren begirada, apirilean Euskal Elkargoak aurkeztuko duen hizkuntza politikari

Euskal Elkargoak hizkuntza politika bere gain hartzearen alde agertu ziren  gehiengo handian egitura berri honetako hautetsiak, iazko otsailean. Apirilaren 14an aurkeztuko dute hizkuntza politika proiektua. Horrez gain, jakina da instituzioak euskarari ezagupen bat emanen dion adierazpen bat ere aurkeztuko duela. Zein motatako aitortza izango den ez bada zehazturik, adierazpen garrantzitsua izango dela erran daiteke. Guzti horretaz xeheki hitz egin digu Sebastien Castet Ipar Euskal Herriko... [+]


2018-03-01 | ARGIA
The Tour de France will use Basque in the Basque Country

Christian Prudhomme, the director of the Tour de France, has replied to a request made by Euskaltzaindia (the Royal Academy of the Basque Language), and stated that the official signs as the Tour goes through Senpere and Ezpeleta on 28th July will be bilingual, in Basque and French.


2018-02-09 | Zabalik elkartea
hEuskara Amikuzen
MULTIMEDIA - dokumentala

Donapaleuko Zabalik elkarteak bildu du Nafarroa Behereko eskualde honetan hizkuntzak bi belaunalditan nozitu duen hondamendia eta azken urteotan berriro indar berritzeko herritarrak egiten ari diren ahalegina.


2018-02-08 | Euskal Irratiak
Donoztiriko herria mobilizatzeko prest eskolan euskarazko postu erdia erdiesteko

Eskola karta finkatzeko biltzarrak iragaiten ari dira hezkuntza, guraso, irakasle eta hautetsien artean. Donoztiri-Donamartiriko eskola elkargoan, euskararentzat, irakasle postu erdi bat gehiago galdegiten dute.


Uztaritzeko herri kontseiluan euskara hutsean egiteak eztabaida piztu du

Hala adierazi du If Matxikote Herriko Etxeko Hizkuntza Politikarako arduradunak: “Frantses hutsez eginda ez da deus erraten eta euskara hutsez eginda ez da uzten pasatzen”.


2018-02-04 | Mikel Asurmendi
Analisia
Maite zaitut, nik ere ez

Hegoaldean, euskara abagune bi hauen artean bizi da: Joxan Artzeren “euskara galduko da dakigunok ez dugulako egiten...” eta Bitoriano Gandiagaren “euskaraz egiten ez duenak berak jakinen du zergatik ez duen egiten, baina egiten ez duenak ez dit euskaraz egiten uzten”.   

Iparraldean, berriz, euskara aztergai  dugu azken bulta honetan, BAM barrutian, besteak beste. Bidasoaz goitiko euskararen egoera bestelakoa da, legez eta bestez. Egoera hau zailago... [+]


2018-01-30 | Mikel Asurmendi
Maite zaitut, nik ere ez

Iparraldean euskara aztergai  dugu azken bulta honetan, BAM barrutian, besteak beste. Bidasoaz goitiko euskararen egoera bestelakoa da Hegoaldekoaren aldean, legez eta bestez. Egoera hau zailago zait deskribatzea.


Azkenak
EGILEA
Eguneraketa berriak daude