Gipuzkoan euskara ikastea doan izateko neurriak iragarri ditu EH Bilduk
Xabier Olano Gipuzkoako ahaldun nagusi izateko EH Bilduko hautagaiak azaldu du helduen euskalduntzea doakoa izateko urratsak emanen dituztela hurrengo legegintzaldian.
“Gipuzkoan euskara ikastea erabat doakoa izango da datorren legegintzaldian. Eusko Jaurlaritzak dagozkion dirua eta bitartekoak jarri ala ez. Ipintzen ez baditu, guk ipiniko ditugu”, adierazi du Olanok.
Gipuzkoa osoan helduen euskalduntzea doan izateko “dirutza handirik” ez dela behar nabarmendu du EH Bilduko hautagaiak. Hori dela eta, Jaurlaritzari dei zuzena egin dio: “Helduen euskalduntzearen arloan, beketan bere urteko aurrekontua soilik milioi batekoa da. AHTren 70 metro eraikitzea ala euskara ikasteko doakotasuna; lehentasunak argitu ditzala”.
Azken bi urteotan ia mila ikasle berri matrikulatu dira Gipuzkoan euskara ikasteko. Olanoren aburuz, horrek zerikusi handia du emandako "erraztasun eta laguntzekin", baita Diputazioak aurrera eramandako politikekin ere: “Euskararen normalizazioa lortzeko funtsezkoa da helduen euskalduntzea, euskaraz bizi ahal izateko guztiok euskara ezagutzea beharrezkoa baita”.
2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]
Euskalgintzaren Kontseiluak "atsekabez" hartu du berria, baina atzerapenaren ostean onartuko duten esperantza du. Bestalde, gaurtik aurrera hizkuntza horiek erabili ahal izango dira Espainiako Kongresuan. Kontseiluak kezkaz hartu du euskal alderdietako politikariek... [+]
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.
Ostegunean jakin genuen: Espainiako Gobernuak eskatu du galiziera, euskara eta katalana hizkuntza ofizialak izan daitezela Europako erakundeetan. Zergatik? Kataluniako alderdi politikoek behartu dute horretara, negoziazioetan.
Atzerapausoa. Horrela baloratzen du Euskalgintzaren Kontseiluak, hizkuntza auziari eta euskararen sustapenari dagokionez, Nafarroako Gobernu berria eratuko duten alderdi politikoek sinatu duten 2023-2027 legegintzaldirako akordio programatikoa.