Euskal hiriburuetan 3.500 etxebizitza alokairuan Airbnb-ren bidez, iaz baino %15 gehiago

  • Airbnb webguneko datu berriak ezagutu ditugu eta alokairuen eskaintzak hazten jarraitzen du gure hiriburuetan. Iaztik %15 inguru igo da alokairuan dauden etxebizitza eta logelen eskaintza euskal hiriburuetan.

Artikulu hau CC BY-SA 3.0 lizentziari esker ekarri dugu.

2018ko urtarrilaren 19an - 14:53
Bilboko egoerari buruzko maparen argazkia

3.500 etxebizitza inguru daude alokagai Euskal Herriko 7 hiriburuetan, herena Donostian. Azpimarragarria, era berean, Donibane Lohizuneko egoera, 699 etxebizitza baititu alokagai, hiriburu gehienetan baino gehiago.

Airdna webguneak eskaintzen ditu datu horiek. Airbnb-tik datuak erauzten ditu eta udalerri bakoitzean zenbat etxebizitza eskaintzen diren esaten digu. Hauexek dira 2018 hasieran Euskal Herriko 7 hiriburuetan alokaigai dauden logela eta etxebizitzen kopurua.

Guztira 3.500 etxebizitza daude, beraz, Euskal Herriko hiriburuetan. Beste milakaren batzuk Euskal Herriko bazterrik bazter sakabanatuta, batez ere kostaldean eta lekurik turistikoenetan (Donibane Lohitzunen 699, Zarautzen 106, Hendaian 417, Hondarribian 106, eta abar). Azpimarratzekoa da Donibane Lohizunek daukan eskaintza, hiriburu gehienek baino handiagoa; alokairu-eskaintzen mapa ikusi besterik ez dago (goian). Oro har, badirudi aldea dagoela Lapurdiko eta Gipuzkoako herrien eta etxebizitzen izaeran. 700 eta 400 etxebizitza alokagai Donibanen eta Hendaian; 100 + 100 besterik ez Zarautzen eta Hondarribian, askoz handiagoak izan arren.

Duela urte beteko datuekin konparatuta (nahiz eta iaz datu batzuk ezin izan genituen lortu Airdna webgunean), esan daiteke %15-20 inguru igo dela eskaintza Euskal Herrian. Gorantz doan joera da, beraz. Hala ere, badirudi Donostian goia jo duela edo jotzekotan dagoela, horixe baita (askogatik) azken urtean igoera txikiena izan duen hiriburua. 

Bitartean, jarraituko dugu eztabaidatzen turismo jasangarriaz, gentrifrikazioaz, egoera berri honek Donibane Lohizune bezalako herri txikietan izan dezakeen eraginaz, eta abar.

Artikulu hau Sustatuk argitaratu du eta Creative Commons lizentziari esker ekarri dugu.


Kanal honetatik interesatuko zaizu: Turismo masiboa
25 lagunetara murriztuko dute turista taldeetako gehieneko pertsona kopurua Donostian

Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.


Lau donostiarretatik hiruk uste dute turismoak kalte “handia” egiten diela

Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.


Pisu turistikoak debekatu ditzakete bizilagunek, Espainiako Auzitegi Gorenak ebatzi duenez

Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.


Tasa turistikoa aplikatzeko lehen urratsak ematen ari da Jaurlaritza

Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.


Turistifikazioaren aurkako manifestazio jendetsua egin dute Donostian

Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.


Eguneraketa berriak daude