Euskal Herria turistentzako postal bihurtzen ari direla salatu du Ernaik Guggenheimen

  • Bilboko Guggenheim museoko urmaelan hainbat gazte sartu dira turistaz mozorrotuta, Euskal Herria turistentzat moldatutako postal bihurtzen ari direla salatzeko.


2017ko ekainaren 13an - 14:52
Gazteak postaletako herriaren atzean daudela azaldu du Ernaik: "kanpotik datozen turistak pozik egon daitezen kateatzen gaituzten lan prekarioetan". Uda garaian herri ereduen arteko talka hori areagotu egiten dela salatu dute, turistei luxua eskainiz eta gazteei miseria eta esplotazioa.

Lan prekarioak izanda, gutxi batzuen bigarren eta negoziorako etxebizitzak eskuratzea ezinezkoa dela esan dute. "Eskubide bat omen dena, espekulatzeko erabiltzen dute", adierazi du Ernaik.

Demografian dituen ondorio kaltegarriak ere nabarmendu dituzte: "aldera hauek, herrian garatzen den harreman ereduan eragiten du, komunitatearen deseraikuntza bultzatuz eta kapitalaren logika espekulatibo indibidualistaren alde eginez".

Herri eredu honen erantzuleak agerian utzi behar direla nabarmendu du Ernaik: "erantzule politiko eta ekonomikorik behinenak eredu hau bultzatu eta sustengatzen duten instituzio eta enpresak dira, ezein turistaren gainetik".

Eredu zapaltzaile horri aurre egingo dion alternatiba independentziatik, sozialismotik eta feminismotik eraiki behar dela azpimarratu eta borrokan jarraitzeko deia luzatu dute: "gu ordea, borrokan bizirik eta ilusioz, beste Herri bat eraikitzen gabiltzan gazteak gara. Herrian bizi nahi dugu, gure Herria bizi nahi dugu. Postaletako herriaren aurrean, eraiki eta borrokatu dezagun bizirik dagoen herria".

Topatu.info-k egindako argazkiak:

 


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
Azoka
Kanal honetatik interesatuko zaizu: Turismo masiboa
Lau donostiarretatik hiruk uste dute turismoak kalte “handia” egiten diela

Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.


Pisu turistikoak debekatu ditzakete bizilagunek, Espainiako Auzitegi Gorenak ebatzi duenez

Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.


Tasa turistikoa aplikatzeko lehen urratsak ematen ari da Jaurlaritza

Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.


Turistifikazioaren aurkako manifestazio jendetsua egin dute Donostian

Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.


“Welcome to Pintxoland” turistifikazioaren aurkako ekimena egin dute Donostiako Alde Zaharrean

Donostiako Parte Zaharrean turistei zuzendutako saltoki eta ostalaritza guneak bizilagunei eragindako kalteen eragile nagusiak direla adierazi du Bizilagunekin plataformak.


Eguneraketa berriak daude