Wert ministroak atzera egin du Erasmus beken aferan

  • "Erasmus" proiektuan parte hartzeko hautatu dituzten ikasle guztiei bermatuko die laguntza Espainiako Hezkuntza Sailak, bazirudien arren beka orokorra jasotzen duten ikasleei baino ez ziela emango diru-laguntza.

2013ko azaroaren 05an - 00:00
Azken eguneraketa: 2015-02-26 13:37:33
Wert Hezkuntza sailburua. (Arg: newsuniversidad.com)

Ikasleek iazko beka bera jasoko dutela esan du Wertek.

Espainiako Hezkuntza sailak ohar baten bidez jakinarazi zuenez, Erasmus mugikortasun programa egiteko diru-laguntza beka orokorra jasotzen duten ikasleei baino ez zitzaien emango. Aurtengo ikasturtea egitera atzerrira joan ondoren izan dute ikasleek aldaketaren berri.

Gaur arratsaldean, ordea, atzera egin du Wert ministroak.

[10:30ean argitaratutako albistea]:

Diru sarrera urriak dauzkaten ikasleei esleitzen dizkie beka orokorrak Hezkuntza sailak. Orain, soilik errenta parametro horietan sartzen direnei emango die Erasmusa gauzatzeko beka, Wert Hezkuntza sailburuak urriaren 24an hartutako erabakiaren ondorioz.

2011-2012 ikasturtean, 39.000 ikaslek hartu zuen parte Europar Batasuneko herrialdeen arteko mugikortasun programan. Aurten ere, atzerrian antzeko kopuru bat dagoela kalkulatzen da. Joandakoen erdiak jasango du murrizketa.

Hiru diru partidek osatzen dute Erasmus programa: lehenik eta behin, Europar Batasunak emandako diru laguntza –133 euro inguru hileko–; bigarrenik, Espainiako Hezkuntza Sailak eskainitakoa –150 euro inguru, hilabetero–; hirugarrenik, zenbait kasutan komunitate jakin batzuk bideratzen duten laguntza osagarria –adibidez, Kataluniak 200 euro ematen ditu–.

Orain, beka orokorra ez duten ikasleek Europako eta Autonomi Erkidegoko bekak baino ez dituzte izango. Gainera, Autonomi Erkidego guztiek ez dute laguntzarik ematen, beraz, ikasle batzuek Europakoa besterik ez dute edukiko.

Aurreko urtean, arazoak izan zituen Europak mugikortasun programari dagozkion bekak banatzeko. Wertek dio neurri berriak ziurtatzen duela “baliabide gutxien dauzkaten ikasleek” laguntza bermatuta edukitzea.

Ohar baten bidez, Hezkuntza sailak adierazi du erabakiarekin Erasmus bekak diru-laguntza “sozialak” izatea bilatu, eta “aukera berdintasuna” ziurtatzen duela.

Programan parte hartzen ari diren ikasleak kexu azaldu dira. Izan ere, atzerrian direla izan dute murrizketaren berri.

2011 urtetik, %71 jaitsi dituzte Erasmus bekentzako zuzendutako aurrekontua. Hiru urteren buruan, 67, 2 milioi eurotik 18 milioi eurora gutxitu dituzte.

Beka orokorrak eta Séneca ere murriztuta

Erasmus bekaz gain, Séneca beka ere desagerrarazi du Werten ministerioak. Beka orokorrei dagokienez, murriztu egin ditu eta aurreikusten da 10.000 bekadun gutxiago izatea datorren urtean.

Twitterren, #Erasmus eta #ErasmusRIP traolak erabiltzen ari dira, gaiari buruz hitz egiteko.

 

Kanal honetatik interesatuko zaizu: Unibertsitatea
Euneiz unibertsitate pribatuaren proiekturako egindako "zuhaitz mozketa masiboa" salatu du Elkarrekin Arabak

David Rodriguez bozeramaileak ohartarazi duenez, jarduerak “eragin larria izango du Salburuako hezeguneetan, bertako floran eta faunan”.


EHUk Zibersegurtasun Katedra sortu du Israelgo unibertsitate bat erreferentzia hartuta

Proiektuaren memorian, nazioarteko erakunde laguntzaileak daude, eta horien artean Tel Aviveko unibertsitatea nabarmentzen da "erreferentzia" gisa. El Saltok lortu duen dokumentazioaren arabera, gobernu sionistak Gazan genozidioa hasi eta egun gutxira onartu zen... [+]


Kazetaritza Matxistaren Behatokia sortu dute, hedabideen eduki matxistak aztertzeko

Euskal Herriko Unibertsitateko Bitartez ikerketa taldeak eta Pikara Magazine agerkariko kideek sortu dute.


EHUko irakasle eta ikertzaileek grebarako deia egin dute

Asteazkena da lehen greba eguna: irakasle eta ikertzaileak daude deituta. Martxoaren 12rako ere berriz egin dute deia: EHUko langile guztientzat da hura. Irakasle eta ikertzaileen “prekarizazioaren” kontra egin nahi dute protesta. 


EHUren “izaera poliziala” salatu dute ehunka ikaslek Gasteizen

Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.


Eguneraketa berriak daude