Lemoizko zentral nuklearrean arrain haztegi bat eraikitzea "kaltegarria" litzateke Equoren ustez

  • Eusko Jaurlaritzaren ekimenak ez du Equo Berdeak alderdia konbentzitu: pasa den astean jakinarazi zuten Lemoizko zentral nuklearra eraiki behar zen lurretan arrain haztegi bat jarri nahi dutela. Equoren arabera ondorio negatiboak gehiago dira positiboak baino, “bai ekonomikoki baita ekosistemaren dagokionez ere”.

Miren Osa Galdona @Mirentx_U
2017ko azaroaren 14a
Lemoizko zentral nuklearra. (Argazkia: mapi.com)

“Lanpostuak sortuko balitu ere, arrain haztegiak ez lituzke euskal arrantza sektorearen arazoak konponduko: modu tradizional eta artisau baten alde egin behar dute, baxurakoa eta bertako espezieak zainduko dituena. Modu horretan ingurumena errespetatuko litzateke”, dio talde ekologistak.

Gainera, arrain haztegiaz informazio gehiago ematea beharrezkoa dela diote: “Eraikiko balitz, arrainei emango zaien janaria zer izango den ere jakin nahi dugu”. Sor daitezkeen kalte ekologikoak aztertu nahi dituzte, izan ere, elikagaiok medikamentuz eta pestizidaz beteta egoten dira. “Substantzia horiek itsas azpian amaitzen dute eta ekosistema txiki nahiz handiak kutsatzen dituzte”.

Kanal honetan artxibatua: Lemoizko zentral nuklearra

Lemoizko zentral nuklearra kanaletik interesatuko zaizu...
2017-11-10 | Axier Lopez
Gladys del Estal ETAk hil zuela argitaratu du El Diario Vascok

Guardia Zibilak buruan tiro bat emanez hil zuen 23 urteko Gladys del Estal donostiarra 1979ko ekainean. Euskal Herrian Espainiako Gobernuak eraiki nahi zituen zentral nuklearren aurka Tuteran egindako protesta batean izan zen. Bada, atzo –azaroak 9–, Vocento taldeko egunkariak Lemoizko zentralaren inguruko erreportaje batean argutaratu du ETAk hil zuela Gladys del Estal.


2017-11-09 | Miren Osa Galdona
Arrain-haztegi bat eraiki nahi du Eusko Jaurlaritzak Lemoizko zentral nuklearrean

Lemoizko zentral nuklearraren eremuari behingoz aterabidea emateko proiektua aurkeztu du Eusko Jaurlaritzak: arrain-haztegi bat. Kapital pribatuz soilik egingo litzateke proiektua, eta 450 lanpostu sortzea aurreikusi du Lakuak. Lemoizko zentral nuklearra eraiki nahi zuten lurrak Iberdrolarenak dira, baina Arantxa Tapia Ekonomia Garapenerako sailburuak adierazi du lurrok Jaurlaritzarenak izango direla, “prezio sinboliko” baten truke.


2017-10-15 | Jabi Zabala
"Piratak itsasoan ibiltzen ziren antzina, gaur egun lehorrean geratzen dira"

Armintzan (Lemoiz, Bizkaia) 1945ean sortua, Juan Luis Olaran Sustatxa arrantzale, itsas gizon eta sukaldari izana da idazle baino lehen. Azkenaldion, erretiroa hartuta, hiru liburu idatzi ditu, tartean zentral nuklearraren inguruko El contubernio nuclear, Lemoiz, eta Izarra ontziaren afera kontatzen duen Izarra baltza, historia de un barco pirata aurkeztu berria. Afera biak bertatik bertara bizitzea tokatu zitzaion armintzarrari.


Azkenak
EGILEA
Eguneraketa berriak daude